News Flash

तुरुंगात असलेल्या रियाला जेवणात मिळतायेत ‘हे’ पदार्थ!

रियाला तुरूंगात मिळतंय 'असं' जेवण

अभिनेता सुशांत सिंह राजपूत मृत्यूप्रकरणी रोज नवनवीन खुलासे होताना दिसत आहेत. सुशांतच्या आत्महत्या प्रकरणाचा तपास सुरू असतानाच ड्रग्ज तस्करीचा मुद्दा समोर आला होता. यामध्ये अभिनेत्री रिया चक्रवर्ती हिला एनसीबीने अटक केली आहे. ड्रग्ज सेवनासह इतर आरोपांखाली मंगळवारी तिला अटक झाली असून तिची रवानगी भायखळा तुरुंगात करण्यात आली आहे. विशेष म्हणजे रिया तुरुंगात गेल्यानंतरही तिच्याविषयी चर्चा अद्यापही रंगत आहेत. यामध्येच आता रियाला तुरुंगात पहिल्या दिवशी कोणतं जेवण देण्यात आलं हे ‘इंडिया टुडे’च्या वृत्तात सांगण्यात आलं आहे.
ड्रग्स सेवन आणि अन्य आरोपांखाली अटक झालेल्या रियाची भायखळा येथील कारागृहात रवानगी करण्यात आली आहे. याच कारागृहात शीना बोरा हत्याकांडातील मुख्य आरोपी इंद्राणी मुखर्जीदेखील आहे. तसंच या तुरुंगात ६ बॅरेक असून प्रत्येक बॅरेकमध्ये जवळपास ४० ते ५० आरोपी असतात. येथेच रियादेखील राहत आहे.

तुरुंगात रियाला एक चादर, बेडशीट, उशी आणि चटई देण्यात आली आहे. तसंच गरजेच्या वस्तू ठेवण्यासाठी तिला एक मोठी पिशवीदेखील देण्यात आली आहे. तसंच रियाला तुरुंगात इतर कैद्यांप्रमाणेच जेवण देण्यात येत आहे. या जेवणामध्ये दोन पोळ्या( चपाती), एक वाटी भात, एक वाटी वरण( डाळ) आणि एक भाजी यांचा समावेश आहे.

दरम्यान, तुरुंगामध्ये कैद्यांसाठी उपहारगृहदेखील आहे. यामध्ये बिस्कीट्स किंवा अन्य खाद्यपदार्थ ठेवण्यात आले आहेत. तसंच सुशांत सिंह राजपूत मृत्यूप्रकरणी रोज नवनवीन माहिती समोर येत आहे. यामुळे कलाविश्वातदेखील खळबळ उडाली आहे. यात अनेक कलाकारांनी रिया चक्रवर्तीला पाठिंबा दिला आहे. तर काही कलाकारांनी सुशांतला न्याय मिळावा अशी मागणी केली आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 10, 2020 11:08 am

Web Title: rhea chakraborty in byculla women prison barrack rheas lunch ssj 93
टॅग : Sushant Singh Rajput
Next Stories
1 कंगना प्रकरण : फडणवीस म्हणाले, ‘हा भित्रेपणा’ तर अमृता म्हणतात, “जेव्हा अन्याय कायदा होतो, तेव्हा…”
2 Video : प्रभू रामांशी मलबार हिलशी नाळ जोडणारं रामकुंड
3 रुग्णवाढीमुळे खाटांची चणचण
Just Now!
X