09 August 2020

News Flash

नालेसफाईसाठीचा ३२ टक्के निधी रेल्वेकडे पडून

महानगरपालिकेकडून नालेसफाई करण्यासाठी दरवर्षी देण्यात येत असलेल्या निधीपैकी केवळ ६८ टक्के निधी रेल्वेने वापरला असून ३२ टक्केचा वापरच केला नाही.

| July 4, 2014 02:27 am

महानगरपालिकेकडून नालेसफाई करण्यासाठी दरवर्षी देण्यात येत असलेल्या निधीपैकी केवळ ६८ टक्के निधी रेल्वेने वापरला असून ३२ टक्केचा वापरच केला नाही. पहिल्याच पावसात पाणी तुंबल्याने शहरातील रेल्वेसेवा विस्कळीत झाली. त्यामुळे पालिकेकडून देण्यात येणार निधी, त्यांचा वापर व त्यावर देखरेख याबाबत प्रश्नचिन्ह निर्माण झाले आहे.
गेल्या पाच वर्षांत पालिकेने रेल्वेला ९.६० कोटी रुपये दिले. त्यापैकी रेल्वेने ५.६६ कोटी रुपये नालेसफाईवर खर्च केले. मात्र या नाल्यांमधून नेमका किती गाळ काढला याबाबत पश्चिम व मध्य रेल्वे या दोन्हीकडे कोणतीही माहिती उपलब्ध नाही. मध्य रेल्वेवर सीएसटीपासून मुलुंडपर्यंत ४३ आणि सीएसटी ते मानखुर्द दरम्यान २८ असे ७१ नाले आहेत.
२००९ ते १४ या पाच वर्षांत पालिकेने या नाल्यातील गाळ काढण्यासाठी ७ कोटी ४७ लाख रुपयांचा निधी दिला. रेल्वेने त्यातील ३ कोटी ८४ लाख रुपये खर्च केले. पश्चिम रेल्वेवरील ४३ नाल्यांच्या स्वच्छतेसाठी पाच वर्षांत २ कोटी १२ लाख रुपये पालिकेकडून देण्यात आले. रेल्वेने त्यापैकी १ कोटी ८१ लाख रुपये खर्च केले. पालिका दरवर्षी नालेसफाईसाठी दोन्ही रेल्वेना सरासरी १ कोटी ९२ लाख रुपये देत असली तरी त्यातील पूर्ण निधी वापरला जात नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 4, 2014 2:27 am

Web Title: rivulets cleaning 32 percent funds rests at railway
टॅग Railway
Next Stories
1 ‘आयसीटी’ आता ‘आयसर’च्या पंक्तीत
2 पावसाचा जोर ओसरला
3 मंत्रालयाभोवती चिखलाचे साम्राज्य
Just Now!
X