02 April 2020

News Flash

पार्थ पवारांच्या उमेदवारीला शरद पवारांकडून ब्रेक? अजित पवारांचे मौन

मावळ लोकसभा मतदारसंघातून पार्थ पवार यांना उमेदवारी मिळण्याची शक्यता कमी आहे. कारण खुद्द शरद पवारच पार्थ पवार यांच्या उमेदवारीबद्दल फारसे अनुकूल नाहीत.

मावळ लोकसभा मतदारसंघातून पार्थ पवार यांना उमेदवारी मिळण्याची शक्यता कमी आहे. कारण खुद्द शरद पवारच पार्थ पवार यांच्या उमेदवारीबद्दल फारसे अनुकूल नसल्याचे समोर आले आहे. शरद पवार यांनी थेट पार्थ पवारांच्या नावाला विरोध केला नसला तरी पवार घराण्यातील सगळ्यांनी निवडणूक लढवली तर पक्षबांधणी करणाऱ्या सामान्य कार्यकर्त्याना संधी कधी मिळणार? असा सवाल त्यांनी पार्थ पवारांच्या उमेदवारीची मागणी करणाऱ्या कार्यकर्त्यांना विचारला.

एबीपी माझा वृत्तवाहिनीने हे वृत्त दिले आहे. शरद पवारांच्या या भूमिकेवर अजित पवारांनी अजून तरी कुठलीही प्रतिक्रिया व्यक्त केलेली नाही. मावळ लोकसभा मतदारसंघाच्या जागेसाठी पार्थ पवार यांच्या नावाची मागच्या दोन-तीन दिवसांपासून जोरदार चर्चा सुरु होती. मागच्या काही वर्षात झालेल्या निवडणूकांमध्ये राष्ट्रवादी काँग्रेसला पुण्यातील हा मतदारसंघ जिंकता आलेला नाही. त्यामुळे राष्ट्रवादी काँग्रेस या मतदारसंघातून अजित पवारांचे सुपूत्र पार्थ पवार यांना निवडणूक रिंगणात उतरवेल अशी चर्चा होती.

पण आता शरद पवारांनीच या चर्चांना ब्रेक लावला आहे. मावळमधून लक्ष्मण जगताप निवडणूक लढवण्यास इच्छुक आहेत. पुढच्यावर्षी होणाऱ्या लोकसभा निवडणुकीच्या तयारीसाठी मुंबईत राष्ट्रवादी काँग्रेसची बैठक सुरु आहे. महाराष्ट्रात लोकसभेच्या ४८ जागा आहेत. त्यातील किती जागांची मागणी करायची. मित्र पक्षांना आघाडीत कसे सामावून घ्यायचे यावर या बैठकीत विचारमंथन सुरु आहे. स्वत:हा शरद पवारांनी आपण निवडणूक लढवणार नसल्याचे म्हटले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 6, 2018 12:43 pm

Web Title: sharad pawar is not favourable for parth pawar candidature
टॅग Maval,Sharad Pawar
Next Stories
1 प्रतिबंधित क्षेत्रात मासेमारी करणारे दोन ट्रॉलर्स पकडले
2 महाराष्ट्रात सैराट! आई वडिलांकडूनच मुलीची हत्या
3 तुळजाभवानी देवीच्या दानपेटीवर मंदिर कर्मचाऱ्यानेच मारला डल्ला
Just Now!
X