News Flash

शुभदा कर्णिक यांचे निधन

ज्येष्ठ साहित्यिक मधु मंगेश कर्णिक यांच्या पत्नी शुभदा यांचे हृदयविकाराच्या झटक्याने सिंधुदुर्ग जिल्ह्यातील करूळ गावी शुक्रवारी निधन झाले. त्या ७९ वर्षांच्या होत्या. त्यांच्या पश्चात पती

| June 2, 2013 02:34 am

ज्येष्ठ साहित्यिक मधु मंगेश कर्णिक यांच्या पत्नी शुभदा यांचे हृदयविकाराच्या झटक्याने सिंधुदुर्ग जिल्ह्यातील करूळ गावी शुक्रवारी निधन झाले. त्या ७९ वर्षांच्या होत्या. त्यांच्या पश्चात पती मधु मंगेश कर्णिक, दोन पुत्र व एक कन्या असा परिवार आहे.
मधु मंगेश आणि शुभदा हे काही दिवसांसाठी करूळ या आपल्या गावी घरी गेले होते. शुक्रवारी शुभदा यांना अचानक अस्वस्थ वाटू लागल्याने त्यांना तातडीने कणकवली येथील एका खासगी रुग्णालयात दाखल करण्यात आले. मात्र उपचार सुरू असतानाच त्यांची प्राणज्योत मालवली.
शुभदा कर्णिक यांनी अनेक वर्षे मुंबई महापालिकेच्या शाळेत अध्यापनाचे काम केले होते. करूळ गावी कर्णिक कुटुंबीयांनी आपली स्वत:ची जमीन देऊन त्यावर उभारलेल्या ‘शुभदा कर्णिक ग्रंथालया’च्या त्या अध्यक्षा होत्या. कर्णिक दाम्पत्याच्या लग्नाचा साठावा वाढदिवस १० मे रोजी साजरा करण्यात आला होता. त्या निमित्ताने एका विशेष कार्यक्रमाचेही आयोजन करण्यात आले होते. २७ एप्रिल २०१३ रोजी मुंबईत ‘कोमसाप’ने मधु मंगेश कर्णिक यांच्या सहस्त्रचंद्रदर्शन सोहोळ्यानिमित्त आयोजित केलेल्या कार्यक्रमातही त्या सहभागी झाल्या होत्या. मधु मंगेश कर्णिक यांच्या नुकत्याच प्रकाशित झालेल्या ‘करुळचा मुलगा’ या आत्मचरित्रात मधु मंगेश यांनी शुभदा यांच्याविषयी सविस्तर लिहिले आहे.  
शुभदा यांच्या पार्थिवावर शनिवारी मुंबईत ओशिवरा स्मशानभूमीत अंत्यसंस्कार करण्यात आले. या वेळी कोकण मराठी साहित्य परिषद संस्थेचे पदाधिकारी व कार्यकर्ते, मधु मंगेश यांचा मित्र परिवार उपस्थित होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 2, 2013 2:34 am

Web Title: shubhada karnik die
Next Stories
1 कंत्राटदारांशी हातमिळवणी करणाऱ्यांवर कारवाई करा
2 बक्षिसाची रक्कम लाटणाऱ्या दक्षता अधिकाऱ्याविरुद्ध गुन्हा
3 अभिनेता अबिर गोस्वामीचा हृदयविकाराच्या धक्क्यानं मृत्यू
Just Now!
X