News Flash

राज्यातील ४८८ सरकारी शाळांना ४९४ कोटींचा निधी

शाळांमधील भौतिक सुविधांबरोबरच शैक्षणिक गुणवत्तेचा विकास केला जाईल.

राज्यातील ४८८ सरकारी शाळांना ४९४ कोटींचा निधी

मुंबई : शैक्षणिक गुणवत्ता वाढीसाठी राज्यातील ४८८ शासकीय शाळा ‘आदर्श’ म्हणून विकसित करण्याचा निर्णय बुधवारी झालेल्या राज्य मंत्रिमंडळाच्या बैठकीत घेण्यात आला. या उपक्र माअंतर्गत ४८८ शाळांच्या विकासासाठी ४९४ कोटी रुपयांचा निधी उपलब्ध करून देण्यात येईल.

शाळांमधील भौतिक सुविधांबरोबरच शैक्षणिक गुणवत्तेचा विकास केला जाईल. या शाळांमध्ये स्वतंत्र शौचालये, पिण्याच्या पाण्याची व्यवस्था, सुस्थितीत असलेले वर्ग, आकर्षक इमारत, क्रीडांगण, क्रीडा साहित्य, माहिती-तंत्रज्ञान, विज्ञान प्रयोगशाळा, ग्रंथालय यांसारख्या सुविधांचा समावेश असेल. तर शैक्षणिक गुणवत्तावाढीसाठी विद्यार्थ्यांना पोषक शैक्षणिक वातावरण उपलब्ध करून देण्याचा प्रयत्न करण्यात येईल. पाठ्यपुस्तकांच्या पलीकडे जाऊन शिक्षक विद्यार्थ्यांना शिकवतील याकडे लक्ष देण्यात येईल. शाळेच्या ग्रंथालयामध्ये पूरक वाचनासाठी पुस्तके, संदर्भ ग्रंथ, उपलब्ध असतील.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 2, 2021 1:00 am

Web Title: state government schools funding of crores akp 94
Next Stories
1 भारतीय स्वातंत्र्याचा अमृतमहोत्सव राज्यात २०२३ पर्यंत साजरा 
2 पिंपरी-चिंचवडमध्ये लवकरच राजीव गांधी विज्ञान नगरी
3 राज्यात नवीन वैद्यकीय महाविद्यालये
Just Now!
X