News Flash

टॅक्सी प्रवासामुळे चोर अटकेत

मालकाच्या कारखान्यात ९० लाखांचा डल्ला मारणाऱ्या कारागिराने सर्व पुरावे नष्ट केले. पण त्या दिवशी टॅक्सीने प्रवास करणे त्याला महागात पडले.

| August 29, 2014 12:03 pm

मालकाच्या कारखान्यात ९० लाखांचा डल्ला मारणाऱ्या कारागिराने सर्व पुरावे नष्ट केले. पण त्या दिवशी टॅक्सीने प्रवास करणे त्याला महागात पडले. कधी नव्हे तो हा टॅक्सीने का गेला असा संशय पोलिसांना आला आणि काळाचौकी येथील ९० लाखांचे चोरीचे प्रकरण गुन्हे शाखा ४ च्या पथकाने उघडकीस आणले.
 काळाचौकी येथील फेरबंदर येथे अरविंद मेहता यांचा सोन्याचे दागिने बनविण्याचा कारखाना आहे. तेथील पोटमाळ्यावरून १० ऑगस्ट रोजी ९० लाखांचे दागिने चोरण्यात आले होते. पोलिसांनी कारखान्यातील सर्वच्या सर्व चार कामगारांची कसून चौकशी केली तरी काही दुवा हाती लागत नव्हता. गुन्हे शाखा ४ चे वरिष्ठ पोलीस निरीक्षक संजीव भोळे यांनी या प्रकरणाचा तपास सुरू केला. कारखान्यातील एक कारागीर संजय खरा (२८) हा त्या दिवशी टॅक्सीने जाताना पाहिले होते. एरवी कधी टॅक्सीने प्रवास न करणारा संजय कसा काय टॅक्सीने गेला यावरून पोलिसांना संशय आला.
सहाय्यक पोलीस निरीक्षक संजय निकम आणि अभिजित शिंदे यांनी कसून चौकशी केली आणि तो जाळ्यात सापडला. संजयने या कामासाठी आपल्या मेव्हण्याला बोलावून घेतले होते. कुणाला संशय येऊ नये म्हणून त्याने मेव्हण्याला विमानाने दागिने घेऊन बंगालला पाठवले.  पुरावे ठेवले नसले, तरी  पोलिसांनी कसून चौकशी करीत त्याला पकडले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 29, 2014 12:03 pm

Web Title: taxi journey cause thief held
Next Stories
1 तीन विद्यार्थ्यांच्या मृत्यूप्रकरणी शिक्षकांना अटक
2 संक्षिप्त : स्वातंत्र्यसैनिकांच्या निवृत्तीवेतनात वाढ
3 स्कूल बसना टोल माफी हवी
Just Now!
X