News Flash

मुंबई : ऐन गर्दीच्या वेळी विस्कळीत झालेली पश्चिम रेल्वेची वाहतूक सुरू

बाहेरील केबल ओव्हर हेड वायरवर पडल्याने बिघाड

तांत्रिक बिघाड झाल्याने  पश्चिम रेल्वेची वाहतूक विस्कळीत झाली होती. सायंकाळी साडे सहावाजेच्या सुमारास महालक्ष्मी आणि मुंबई सेंट्रल स्टेशनदरम्यान बाहेरून जाणारी एक केबल पश्चिम रेल्वेच्या ओव्हरहेड वायरवर पडली. त्यामुळे संपूर्ण मार्गाचा वीजपुरवठा खंडित झाला होता.परिणामी चारही लाईनवरील वाहतूक थांबण्यात आली होती.

यामुळे संध्याकाळी कामावरून घराकडे निघालेल्या नोकरदारांचा चांगलाच खोळंबा झाला  होता. तर, दुसरीकडे  दुरूस्तीचे काम युद्धपातळीवर सुरू होते.  प्रवाशांच्या गैरसोयीबद्दल दिलगिरीही व्यक्त केली गेली होती.

साधारण अर्धातास सर्व लोकल आहे त्या ठिकाणीच थांबवण्यात आल्या होत्या. युद्धपातळीवर काम करून तांत्रिक बिघाड दूर करण्यात आल्यानंतर रेल्वे सेवा पुर्ववत झाली. मात्र, यानंतर चर्चगेट ते दादर स्टेशनपर्यंत प्रवाशांची मोठी गर्दी निर्माण झाल्याचे दिसले. ऐन गर्दीच्या वेळी हा बिघाड उद्भवल्याने प्रवाशांची चांगलीच अडचण झाली. चारही मार्गांवरील गाड्या थांबण्यात आलेल्या असल्याने  रेल्वे सेवा हळूहळू सुरळीत होत आहे.

 

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 7, 2019 7:31 pm

Web Title: western railway traffic disrupted msr 87
Next Stories
1 संपूर्ण मालमत्ता करमाफी नाहीच!
2 ‘सेव्हन हिल्स’ पालिकेच्या ताब्यात
3 ‘मेट्रो ३’च्या भुयारीकरणाचा सोळावा टप्पा पूर्ण
Just Now!
X