अंधेरीतील सिप्झ भागात मॉर्निंग वॉकला गेलेल्या सहा महिलांना आज (मंगळवार) पहाटे भरधाव इंडिका गाडीने धडक दिली. त्यामध्ये दोन महिलांचा मृत्यू झाला असून ४ जणी जखमी झाल्या आहेत. जखमी महिलांना पोलिसांनी उपचारासाठी रूग्णालयात दाखल केलं आहे. मृत महिलांपैकी एकीचे वय ३६ तर एकीचे वय २२ वर्षे आहे.
सीप्झ परिसरातील गेट नंबर तीनजवळ हा अपघात झाला. आरोपी ड्रायव्हर प्रवीणकुमार कनौजियाला आरे कॉलनी पोलिसांकडून अटक करण्यात आली आहे. चालकाने दारूचे सेवन केले होते का याची चौकशी पोलिस करत आहेत.