scorecardresearch

Premium

राज्यपालांना विमान वापरास मुख्यमंत्र्यांच्या परवानगीची अट रद्द; मुख्यमंत्र्यांप्रमाणे दोन्ही उपमुख्यमंत्र्यांना मुभा

मुख्यमंत्री एकनाथ शिंदे यांच्या प्रमाणेच आता उपमुख्यमंत्री देवेंद्र फडणवीस व अजित पवार यांनाही शासकीय विमान व हेलिकॉप्टर वापरण्याची मुभा देण्यात आली आहे.

Eknath Shinde on Bhushan Desai
एकनाथ शिंदे

मधु कांबळे

मुंबई : मुख्यमंत्री एकनाथ शिंदे यांच्या प्रमाणेच आता उपमुख्यमंत्री देवेंद्र फडणवीस व अजित पवार यांनाही शासकीय विमान व हेलिकॉप्टर वापरण्याची मुभा देण्यात आली आहे. या संदर्भात राज्य शासनाने सुधारीत नियम लागू केले असून, राज्यपालांना शासकीय विमान वापरासाठी मुख्यमंत्र्यांची पूर्वपरवानगी घ्यावी लागत होती, ती अटही आता रद्द करण्यात आली आहे. माजी मुख्यमंत्री उद्धव ठाकरे व माजी राज्यपाल भगतसिंह कोश्यारी यांच्यात शासकीय विमान वापरावरुन वाद झाला होता. त्या पार्श्वभूमीवर शासकीय विमान वापराच्या प्राधान्यक्रमाच्या नामावलीत पहिल्या क्रमांकावर राज्यपाल आहेत. त्यानंतर मुख्यमंत्री व उपमुख्यमंत्री यांची नावे आहेत.

nitish_kumar_narendra_modi
बिहारसाठी आजचा दिवस महत्त्वाचा, नितीश कुमार मुख्यमंत्रिपदाचा राजीनामा देऊन भाजपाशी हातमिळवणी करणार?
Bihar Chief Minister Nitish Kumar is likely to resign
पाटण्यात बैठकांचे सत्र, ‘राजद’चेही सत्तेसाठी प्रयत्न; नितीशकुमार यांचा आज राजीनामा?
Loksatta editorial West Bengal Chief Minister Mamata Banerjee and Punjab Chief Minister Bhagwant Mann decision to leave the India alliance
अग्रलेख: मान, ममता, मर्यादा!
draw of mhada Konkan Mandal
म्हाडाच्या कोकण मंडळाच्या सोडतीसाठी मुख्यमंत्र्यांना वेळ मिळेना

राज्यात २०१४ मध्ये देवेंद्र फडणवीस यांच्या नेतृत्वाखाली भाजप-शिवसेनेचे युती सरकार आल्यानंतर शासकीय विमान वापरासंबंधीचे १९६७ चे नियम कालबाह्य ठरवून १३ फेब्रुवारी २०१५ रोजी नवीन नियम लागू करण्यात आले. या नियमात राज्य शासनाच्या ताफ्यातील विमान व हेलिकॉप्टर वापरण्याकरिता मुख्यमंत्र्यांना प्राधान्य देण्यात आले होते. राज्यपालांना शासकीय विमान वापरण्यासाठी मुख्यमंत्र्यांची पूर्वपरवानगी घेणे बंधनकारक करण्यात आले होते.

राज्य अतिथी किंवा अन्य महत्त्वाच्या व्यक्ती, केंद्रीय मंत्री, राज्याचे मंत्री व राज्य शासनाचे वरिष्ठ अधिकारी यांना मुख्यमंत्र्यांच्या मान्यतेने शासकीय विमान, हेलिकॉप्टर वापरण्यास मुभा देण्यात आली होती. ती नव्या नियमात कायम ठेवण्यात आली आहे. ११ फेब्रुवारी २०२१ रोजी शासकीय विमान वापरावरुन ठाकरे व तत्कालीन राज्यपाल भगतसिंह कोश्यारी यांच्यात मोठा वाद झाला होता. राज्यपालांना शासकीय विमान वापरण्यासाठी मुख्यमंत्र्यांची पूर्वपरवानगी घेणे बंधनकारक होते. कोश्यारी यांना विमान वापरण्यास परवानगी न मिळाल्याने विमानातून खाली उतरावे लागले होते.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Condition of chief minister permission for governor to use aircraft canceled ysh

First published on: 15-09-2023 at 03:33 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×