हार्बर मार्गावरील खांदेश्वर आणि मानसरोवर रेल्वे स्थानकांदरम्यान रेल्वे मार्गात खडी भरण्याचे काम सुरू असताना रेल्वे पॅकिंग मशीन रूळावरून घसरल्याने रविवारी हार्बर सेवा विस्कळीत झाली.  या दुर्घटनेमुळे खांदेश्वर आणि मानसरोवर रेल्वे स्थानकांवर प्रवाशांची प्रचंड गर्दी झाली होती. रेल्वे कर्मचाऱ्यांनी घटनास्थळी जाऊन घसरलेले रेल्वे पॅकिंग मशीन हटविण्यासाठी युद्धपातळीवर काम हाती घेतले. मात्र, संध्याकाळपर्यंत त्यांना यश आले नव्हते.