scorecardresearch

Premium

महिला क्रिकेटरच्या आईची सायबर फसवणूक

फसवणुकीसाठी आरोपीने पाच मोबाईल क्रमांकाचा वापर केला आहे. त्यांची माहिती घेऊन पोलीस याप्रकरणी अधिक तपास करत आहेत.

famous cricketer poonam raut s mother loses rs 1 lakh in cyber fraud
प्रातिनिधिक छायाचित्र

मुंबई: प्रसिद्ध महिला क्रिकेटरच्या आईची सायबर फसवणूक झाल्याप्रकरणी सध्या माहीम पोलीस तपास करत आहेत. पतीकडून घेतलेली कर्जाची रक्कम परत करण्याच्या बहाण्याने आरोपीने तक्रारदार महिलेची एक लाख रुपयांची सायबर फसवणूक केली. तक्रारदार महिला (५४) माहीम पश्चिम येथे राहतात.

हेही वाचा >>> चिंतन उपाध्यायला उच्च न्यायालयाकडून दिलासा नाहीच; हेमा उपाध्याय हत्या प्रकरण : जन्मठेपेच्या शिक्षेला स्थगिती देण्यास नकार

Spam calls in india
Spam Calls: स्पॅम कॉल्स ठरत आहे डोकेदुखी? सरकारच्या ‘या’ उपाययोजना तुम्हाला माहीत आहे का?
ias officer laghima tiwari
कोचिंगशिवाय पहिल्याच प्रयत्नात बनल्या IAS अधिकारी, लघिमा तिवारींची ‘ही’ रणनिती विद्यार्थ्यांसाठी ठरेल फायदेशीर
preferred vehicle number
पसंतीच्या वाहन क्रमांकातून ४१ लाखांचा महसूल
Richest Females in the world
सर्वाधिक श्रीमंत महिला कोण? अब्जाधीश महिलांच्या यादीत भारताचा कितवा क्रमांक? जाणून घ्या!

अमित कुमार नावाच्या व्यक्तीचा ९ डिसेंबरला त्यांना दूरध्वनी आला होता. तुमच्या पतीने मला १५ हजार रुपये कर्ज दिले होते. त्याबाबत त्यांच्याशी बोलणे झाले होते. त्यावेळी तुमच्या पतीने मला तुमच्या मोबाईलवर गुगलपेद्वारे रक्कम पाठवण्यास सांगितली आहे. असे दूरध्वनी करणाऱ्या व्यक्तीने तक्रारदार महिलेला सांगितले. त्यानंतर तक्रारदार यांच्या बँक खात्यात १० व ५० हजार रुपये जमा झाल्याचे दोन संदेश आले. पुढे. अमित कुमारने तक्रारदार महिलेला पुन्हा दूरध्वनी करून तुमच्या खात्यावर ५० हजार रुपये चुकून जमा झाले आहेत. ते माझ्या बँक खात्यात पुन्हा पाठवा, असे सांगितले. त्यानंतर तक्रारदार महिलेने ५० हजार रुपये अमित कुमार याला पाठवण्याचा प्रयत्न केला असता ती रक्कम हस्तांतरीत झाली नाही.

अखेर अमित कुमार याने बोलण्यात गुंतवून विविध मोबाईल क्रमांकांवर सुमारे एक लाख रुपये जमा करण्यास भाग पाडले. तक्रारदार महिलेला त्यांची फसवणूक झाल्याचे लक्षात आल्यानंतर त्यांनी तात्काळ याप्रकरणी माहीम पोलीस ठाण्यात तक्रार केली. त्यानुसार पोलिसांनी माहिती तंत्रज्ञान प्रतिबंधक कायद्याअंतर्गत गुन्हा दाखल केला आहे. फसवणुकीसाठी आरोपीने पाच मोबाईल क्रमांकाचा वापर केला आहे. त्यांची माहिती घेऊन पोलीस याप्रकरणी अधिक तपास करत आहेत.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Famous cricketer poonam raut s mother loses rs 1 lakh in cyber fraud zws

First published on: 12-12-2023 at 03:24 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×