scorecardresearch

Premium

चिंतन उपाध्यायला उच्च न्यायालयाकडून दिलासा नाहीच; हेमा उपाध्याय हत्या प्रकरण : जन्मठेपेच्या शिक्षेला स्थगिती देण्यास नकार

हेमा आणि तिच्या वकिलाच्या हत्येसाठी प्रवृत्त करणे आणि हत्येचा कट रचल्याच्या आरोपात दिंडोशी सत्र न्यायालयाने चिंतन याला दोषी ठरवून जन्मठेपेची शिक्षा सुनावली होती.

bombay hc refuses bail to chintan upadhyay in hema upadhyay murder case
हेमा उपाध्याय व चिंतन उपाध्याय

मुंबई : चित्रकार हेमा उपाध्याय आणि तिचे वकील हरेश भंबानी यांच्या हत्येप्रकरणी सत्र न्यायालयाने सुनावलेल्या जन्मठेपेच्या शिक्षेविरोधात केलेले अपील निकाली निघेपर्यंत शिक्षेला स्थगिती देण्याची चित्रकार चिंतन उपाध्याय याची मागणी उच्च न्यायालयाने सोमवारी फेटाळली.

हेमा आणि तिच्या वकिलाच्या हत्येसाठी प्रवृत्त करणे आणि हत्येचा कट रचल्याच्या आरोपात दिंडोशी सत्र न्यायालयाने चिंतन याला दोषी ठरवून जन्मठेपेची शिक्षा सुनावली होती. या शिक्षेविरोधात चिंतन याने उच्च न्यायालयात धाव घेतली आहे. अपील निकाली काढेपर्यंत आपली शिक्षा स्थगित करावी आणि आपली जामिनावर सुटका करावी, अशी चिंतन याने मागणी केली होती.

Punishment of senior citizen doctor held responsible for patient death upheld  Mumbai
रुग्णाच्या मृत्युला जबाबदार ठरलेल्या ज्येष्ठ नागरिक डॉक्टरची शिक्षा कायम; मात्र वयामुळे शिक्षा भोगण्याचे आदेश देण्यास उच्च न्यायालयाचा नकार
Arrest of Kochhar couple is misuse of power high court comments on CBIs action
कोचर दाम्पत्याला अटक ही सत्तेचा दुरूपयोगच, अटक बेकायदा ठरवताना सीबीआयच्या कृतीवर उच्च न्यायालयाचे ताशेरे
lawyer couple s murder case in rahuri lawyer remain absent from work in mumbai sessions court
राहुरी येथील वकील दाम्पत्याच्या हत्येचे प्रकरण : निषेधार्थ मुंबईतील कनिष्ठ न्यायालयांतील वकिलांचे आज कामबंद आंदोलन
Case of challenge to draft Kunbi certificate to Marathas High Court refuses to hear urgent plea of OBC organization
मराठ्यांना कुणबी प्रमाणपत्र देण्याच्या मसुद्याला आव्हानाचे प्रकरण : ओबीसी संघटनेच्या याचिकेवर तातडीने सुनावणी घेण्यास उच्च न्यायालयाचा नकार

हेही वाचा >>> ‘एनआयए’कडून २० हून अधिक जणांची चौकशी; ‘आयसिस’शी संबंध असल्याचा आरोप

न्यायमूर्ती रेवती डेरे आणि न्यायमूर्ती गौरी गोडसे यांच्या खंडपीठाने त्याचे अपील दाखल करून घेत शिक्षा स्थगितीबाबत सुनावणी घेण्याचे स्पष्ट केले होते. त्यावर, तपशीलवार सुनावणी घेतल्यानंतर न्यायालयाने चिंतन याची अपील निकाली निघेपर्यंत शिक्षा स्थगित करण्याची मागणी फेटाळली. गुन्ह्यात चिंतन याचा सहभाग असल्याचे पुरेसे पुरावे आहेत, असेही न्यायालयाने त्याला दिलासा नाकारताना स्पष्ट केले. दरम्यान, प्रकरणातील सहआरोपी प्रदीप राजभर याचा कबुलीजबाब बळजबरीने घेण्यात आला होता. त्यानंतरही, सत्र न्यायालयाने या कबुलीजबाबाची स्वत:हून दखल घेऊन, तो स्वीकारार्ह आणि प्रमाणित मानला. सत्र न्यायालयाची ही कृती योग्य नाही, असा दावा चिंतन याने केला आहे. न्यायालयाने आपल्याला दोषी ठरवण्यासाठी याच कबुलीजबाबाचा आधार घेऊन आपल्याविरोधात पुरेसे पुरावे नसतानाही आपल्याला दोषी ठरवण्यात आल्याचा दावाही चिंतन याने अपिलात केला आहे.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Bombay hc refuses bail to chintan upadhyay in hema upadhyay murder case zws

First published on: 12-12-2023 at 03:14 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×