जोगेश्वरी- विक्रोळी लिंक मार्गवर गुरूवारी सकाळी टँकर उलटल्याने मोठ्या प्रमाणावर वाहतूक कोंडी निर्माण झाली आहे. विक्रोळीनजीकच्या गांधीनगर पुलावर हा टँकर उलटला आहे. सध्या वाहतूक विभागाकडून हा टँकर मार्गावरून हटविण्याचे प्रयत्न सुरू आहेत. मात्र, त्यामुळे सध्या या मार्गावर जोगेश्वरीपर्यंत वाहनांच्या लांबच लांब रांगा लागलेल्या पहायला मिळत आहेत. याशिवाय, कांजुरमार्ग आणि मुलूंड परिसरातदेखील वाहतुकीची कोंडी झाली आहे.
