शिवसेना आमदार कृष्णा घोडा यांचे निधन

पालघरचे शिवसेना आमदार कृष्णा घोडा यांचे ह्रदयविकाराच्या तीव्र झटक्याने निधन झाले.

पालघरचे शिवसेना आमदार कृष्णा घोडा यांचे ह्रदयविकाराच्या तीव्र झटक्याने निधन झाले. घोडा हे शनिवारी रात्री मनोरजवळ एका लग्नसोहळ्यासाठी गेलेले होते. तेथून घरी परतत असताना त्यांना छातीत वेदना होऊ लागल्या. घोडा यांना वापीमधील रुग्णालयात नेण्यात आले. मात्र, डॉक्टरांनी त्यांना मृत घोषित केले.
१९८८ साली पहिल्यांदा काँग्रेसचे आमदार म्हणून निवडून आले होते. गेल्या वर्षी विधानसभा निवडणुकांआधी कृष्णा घोडा यांनी शिवसेनेत प्रवेश केला होता. कृष्णा घोडा हे पालघरमधून शिवसेनेचे विद्यमान आमदार होते. आतापर्यंत ते चारवेळा आमदार म्हणून विधानसभेत निवडून गेले होते. अलीकडेच झालेल्या ठाणे जिल्हा मध्यवर्ती बँकेच्या निवडणुकीत बाजी मारत त्यांनी बँकेचे उपाध्यक्षपद पटकावले होते.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

Web Title: Mla krushna ghoda passes away

ताज्या बातम्या