scorecardresearch

Premium

आर्थिक गुन्ह्यांमध्ये आर्थिक राजधानी पुढे; सर्वाधिक घटना मुंबईत, राज्यांमध्ये महाराष्ट्र चौथा

भारतामध्ये २०२० पासून दाखल करण्यात आलेल्या आर्थिक गुन्ह्यांच्या संख्येमध्ये सातत्याने वाढ होत आहे.

mumbai has register highest incidence of financial fraud case
(संग्रहित छायाचित्र)

मुंबई : देशभरात २०२२ मध्ये एक लाख ९३ हजार ३८५ आर्थिक गुन्ह्यांची नोंद झाली असून २०२१ च्या तुलनेत त्यात सुमारे ११ टक्क्यांनी वाढ झाल्याचे राष्ट्रीय गुन्हे नोंद विभागाच्या (एनसीआरबी) आकडेवारीतून स्पष्ट झाले आहे. गंभीर बाब म्हणजे ५० कोटी किंवा त्यापेक्षा अधिक रकमेच्या आर्थिक फसवणुकीच्या गुन्ह्यांमध्ये महाराष्ट्र आघाडीवर आहे. तर सर्वाधिक आर्थिक गुन्ह्यांची मुंबईत नोंद झाली आहे.

हेही वाचा >>> मुंबई : विवाहित प्रेयसीचे अश्लील छायाचित्र काढून १७ लाखांची खंडणी उकळली; आरोपी प्रियकराला अटक

chemotherapy centers Maharashtra
आरोग्य विभागाची राज्यात ३५ जिल्ह्यांत डे-केअर केमोथेरपी केंद्र! टाटा कर्करोग केंद्राबरोबर सामंजस्य करार…
farmers in drought affected areas
राज्यातील दुष्काळग्रस्त भागामधील शेतकऱ्यांच्या उत्पन्नात दहा पटीने वाढ, ग्लोबल विकास ट्रस्टची उल्लेखनीय कामगिरी
lok sabha constituency review Hingoli
इच्छुकांची भाऊगर्दी; फाटाफुटीतून बळ वाढवण्यासाठी भाजपचे प्रयत्न
Mumbai Municipal Corporation decided to set up three more fire brigade stations 232 crore provision in the budget for fire brigade Mumbai
मुंबईत आणखी तीन अग्निशमन केंद्रे; महानगरपालिकेच्या अर्थसंकल्पात २३२ कोटींची तरतूद

भारतामध्ये २०२० पासून दाखल करण्यात आलेल्या आर्थिक गुन्ह्यांच्या संख्येमध्ये सातत्याने वाढ होत आहे. देशात २०२० मध्ये एक लाख ४५ हजार ७५४ आर्थिक गुन्ह्यांची नोंद झाली होती. पुढील वर्षी, म्हणजे २०२१ मध्ये एक लाख ७४ हजार १३ गुन्हे नोंदवण्यात आले. तर, २०२२ मध्ये एक लाख ९३ हजार ३८५ गुन्ह्यांची नोंद झाली. त्यात फसवणूक, फौजदारी विश्वासघात, बनावट कागदपत्रे तयार करून फसवणूक अशा विविध गुन्ह्यांचा समावेश आहे. गेल्या वर्षी देशभरात एकूण चार लाख ११ हजार ७५२ आर्थिक फसवणुकीच्या गुन्ह्यांचा तपास सुरू होता.

देशातील महानगरांचा विचार केल्यास आर्थिक गुन्ह्यांबाबत मुंबई आघाडीवर आहे. एकटय़ा मुंबईत २०२२ मध्ये सहा हजार ९६० आर्थिक गुन्ह्यांची नोंद झाली आहे. हैदराबाद दुसऱ्या क्रमांकावर असून तिथे सहा हजार १५ आर्थिक गुन्ह्यांची नोंद झाली होती. ५० कोटी किंवा त्यापेक्षा अधिक रकमेच्या फसवणुकीचा विचार केल्यास मुंबई दुसऱ्या तर दिल्ली पहिल्या क्रमांकावर आहे. गेल्यावर्षी या प्रकारचे मुंबईत १० तर दिल्लीत १२ गुन्ह्यांची नोंद झाली होती. आर्थिक फसवणुकीच्या गुन्ह्यांमध्ये राज्यांत महाराष्ट्र चौथ्या क्रमांकावर आहे. राज्यात ५० कोटी अथवा त्यापेक्षा अधिक रकमेची फसवणूक झाल्याचे सर्वाधिक म्हणजे २० गुन्ह्यांची नोंद झाली. त्यापैकी पाच गुन्ह्यांमध्ये फसवणुकीची रक्कम १०० कोटींपेक्षा अधिक असल्याचे नोंदवण्यात आले आहे.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Mumbai has register highest incidence of financial fraud case zws

First published on: 05-12-2023 at 05:54 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×