घाटकोपर येथे ७२ इंच जलवाहिनीच्या पर्यायी जोडणीचे काम हाती घेण्यात येणार आहे. त्यामुळे २८ ते २९ मे या एक दिवसासाठी एल आणि एन विभागात पाणीपुरवठा बंद राहणार आहे. २८ मे रोजी सकाळी दहा वाजता काम सुरू होणार असून ते दुसऱ्या दिवशी सकाळी दहा वाजेपर्यंत चालणार आहे. एल विभागातील साने गुरुजी नगर, अशोक नगर, हिमालय सोसायटी, हिल क्रमांक २, जंगलेश्वर महाराज मार्ग, मोहिली पाईप लाइन मार्ग आणि एन विभागातील आनंदनगर पार्कसाइट, विक्रोळी पार्क साइट, रामनगर, गोळीबार मार्ग, भीमनगर, कातोडी पाडा, भटवाडी, बर्वे नगर, सिद्धार्थ नगर, चिराग नगर, पारशी वाडी, काजू टेकडी, सवरेदय नगर व नारायणनगर येथे या कालावधीत २४ तासांसाठी पाणीपुरवठा होणार नाही, असे महापालिकेने कळविले आहे.