सार्वजनिक गणेशोत्सवासाठी टाकलेल्या मंडपात वायरिंगचे काम करत असताना विजेच्या धक्क्य़ाने एका तरुणाचा मृत्यू झाल्याची घटना रविवारी कुर्ला पश्चिम येथे घडली. रितेश पोळ (३०) असे मृताचे नाव आहे. कुर्ला पश्चिम येथील बुद्ध कॉलनीत राहणारा रितेश रविवारी बेने इस्राएल चर्चशेजारी असलेल्या बाळ गोपाळ गणेश मंडळाच्या मांडवाच्या मागे वायरिंगचे काम करत होता. त्या वेळी त्याला विजेचा धक्का लागून बेशुद्ध पडला.
