जलवाहिनी जोडणीचे काम हाती घेतले जात असल्याने दक्षिण व मध्य मुंबईतील काही भागात शुक्रवारी आठ तासांसाठी पाणीपुरवठा बंद करण्यात येणार असून, काही भागात १५ टक्के कपात केली जाईल.
मुंबई सेंट्रल, एम. पी. मिल कंपाउंड, ना. म. जोशी मार्ग, बी. डी. डी. चाळ, डॉ. ई. मोझेस मार्ग, धोबीघाट क्लार्क रोड येथील पाणीपुरवठा पूर्ण बंद करण्यात येईल. याशिवाय ए, सी, डी, ई आणि जी दक्षिण भागातील अ‍ॅनी बेझंट रोड, डॉ. ई. मोझेस रोड येथे १५ टक्के पाणीकपात जाहीर करण्यात आली आहे. मरोशी- रुपारेल बोगदा प्रकल्पाशी संबंधित वैतरणा जलवाहिनीच्या (मलबार टेकडी जलाशय वाहिनी) जोडणीचे काम हाती घेण्यात आले आहे.