‘राहत्या वॉर्डात निवडून यायचे वांदे’ मनसेच्या पोस्टरला सेनेचं चोख प्रत्युत्तर

मनसेने आज शिवसेना भवनासमोर लावलेल्या पोस्टरमध्ये उद्धव ठाकरेंना अयोद्धा वारी करण्यासाठी शुभेच्छा देण्यात आल्या. मात्र महाराष्ट्राचे रस्ते खड्डेमुक्त होणार का?, महागाई कमी होणार का? महाराष्ट्रात महिला सुरक्षित राहणार का? बेरोजगारांना रोजगार मिळणार का? शेतकऱ्यांच्या आत्महत्या थांबणार का? महाराष्ट्रातला दुष्काळ संपणार का? मोकळ्या जागांवरील अतिक्रमण थांबणार का? महापालिकेतला भ्रष्टाचार संपणार का? आणि खिशातले राजीनामे बाहेर पडणार का? असे प्रश्न उपस्थित करण्यात आले.

मनसेने दिलेल्या या उपरोधिक शुभेच्छांना शिवसेनेकडूनही जशास तसे उत्तर देण्यात आले आहे. मनसेची आंदोलने म्हणजे फक्त सेटिंग असल्याचे शिवसेनेने त्यांच्या पोस्टरमध्ये म्हटले आहे. तसेच ज्यांचे निवडून येण्याचे वांदे आहेत असे लोक इतरांना सल्ले देण्याचे धंदे करत आहेत असाही टोला लगावण्यात आला आहे.