मुंबई : अंधेरी परिसरात ॲम्बरग्रीस (व्हेलच्या उलटी) विकण्याचा प्रयत्न केल्याप्रकरणी मेघवाडी पोलिसांनी मंगळवारी दोघांना अटक केली. या दोन्ही आरोपींकडून पोलिसांनी सुमारे एक किलो ॲम्बरग्रीस जप्त केले असून त्याची किंमत एक कोटी रुपयांहून अधिक आहे. दोन आरोपींपैकी एक जण रत्नागिरी जिल्ह्यातील असून इंजिनीयरिंगचे शिक्षण घेतले आहे. दोन आरोपींनी व्हेल माशाची उलटी कोठून मिळवली याबाबत पोलीस तपास करत आहेत. व्हेल माशाच्या उलटीला परदेशात प्रचंड मागणी आहे. अत्तर बनवण्यासाठी त्याचा वापर केला जातो. त्याची किंमत कोट्यावधी रुपये असून त्याची बेकायदेशिररित्या विक्री केली जाते. रुपेश राम पवार (३५) आणि प्रविण्य प्रदीप काळे (२६) अशी अटक केलेल्या आरोपींची नावे आहेत. पवार हा रत्नागिरीचा, तर काळे हा माहीम कोळीवाडा येथील आहे. 

या बातमीसह सर्व प्रीमियम कंटेंट वाचण्यासाठी साइन-इन करा

हेही वाचा >>> मुलुंडमध्ये मराठी महिलेला कार्यालयासाठी जागा नाकरणाऱ्या पिता – पुत्राला अटक

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Two arrested including highly qualified youth in whale vomit case mumbai print news zws
First published on: 29-09-2023 at 14:43 IST