पश्चिम रेल्वेवरील अंधेरी आणि जोगेश्वरी दरम्यान असलेले फाटक क्रमांक २४ तर मध्य रेल्वेवरील अंबरनाथ आणि बदलापूर दरम्यान असलेले फाटक क्रमांक नऊ ही दोन्ही फाटके दुरूस्तीच्या कामासाठी बंद करण्यात आली आहेत. पश्चिम रेल्वेवरील फाटक २२ फेब्रुवारीच्या रात्रीपासून ते १३ मार्चच्या पहाटे सहा वाजेपर्यंत बंद ठेवण्यात येणार आहे. तर मध्य रेल्वेवरील फाटक २४ तासांसाठी बंद ठेवण्यात येणार आहे. मध्य रेल्वेवरील अंबरनाथ आणि बदलापूर दरम्यानचे नऊ क्रमांकाचे फाटक बंद असले तरी प्रवाशांनी सात क्रमांकाच्या फाटकाचा उपयोग करावा, असे आवाहन रेल्वे प्रशासनाने केले आहे.प्रगती एक्स्प्रेसच्या डब्यांमध्ये वाढमुंबई-पुणे दरम्यान पनवेलमार्गे जाणाऱ्या प्रगती एक्स्प्रेसला जादा वातानुकूलित डबा जोडण्यात आला आहे. प्रवाशांच्या मागणीनुसार ही डब्यांची संख्या वाढविण्यात आल्याचे सूत्रांनी सांगितले. वातनुकूलित चेअर कारचा हा डबा कायमस्वरूपी जोडण्यात आला आहे.
