scorecardresearch

Premium

१० टक्के उमेदवारांनीच निवडणूक खर्चाचा तपशील दिला

निकाल जाहीर झाल्यानंतर एक महिन्याच्या आत खर्चाचा तपशील सादर करणे बंदनकारक करण्यात आले होते

politcs
आतापर्यंत १० टक्क्यांवर म्हणजे १४६ उमेदवारांनी तो सादर केला.

महापालिका निवडणूक लढविणाऱ्यांना त्यांच्या खर्चाचा लेखाजोखा सादर करण्यासाठी दिलेली मुदत संपली असून आतापर्यंत एकूण उमेदवारांपैकी केवळ सरासरी दहा टक्के उमेदवारांनीच खर्चाचा तपशील सादर केला आहे.

महापालिकेच्या निवडणुका जाहीर झाल्यानंतर निवडणुकीत उमेदवारांकडून होणारा खर्च बघता त्यावर नियंत्रण असावे, यासाठी निवडणूक आयोगाने उमेदवारांना १० लाख रुपये खर्च मर्यादा ठरवून दिली होती. महापालिकेच्या १५१ जागांसाठी ३८ प्रभागांमध्ये एकूण १ हजार १३५ उमेदवार मैदानात होते.

Sassoon hospital
पुणे : ससूनमधील सत्य अखेर बाहेर येणार? त्रिसदस्यीय समितीच्या अहवालाकडे लक्ष
bombay high court sentences developer
अवमान केल्याप्रकरणी विकासकाला तीन महिन्यांचा कारावास; हमीपत्राचे पालन न करणे भोवले
law commission of india
एकत्रित निवडणुकांसाठी सूत्र तयार करण्याचा विधि आयोगाचा प्रयत्न; विधानसभांचा कार्यकाळ घटवण्या-वाढवण्याचा पर्याय
MLA disqualification case
अपात्रतेचा निर्णय जूननंतर? शिवसेना आमदारांच्या सुनावणीचे वेळापत्रक जाहीर

त्यांना निकाल जाहीर झाल्यानंतर एक महिन्याच्या आत खर्चाचा तपशील सादर करणे बंदनकारक करण्यात आले होते. आतापर्यंत १० टक्क्यांवर म्हणजे १४६ उमेदवारांनी तो सादर केला. खर्च सादर न करणाऱ्यांमध्ये भाजपसह काँग्रेस, राष्ट्रवादी, शिवसेना, बसपा या राजकीय पक्षाच्या उमेदवारंचा समावेश आहे.

निवडणुकीत उमेदवारांनी मोठय़ा प्रमाणात खर्च केला असला तरी प्रत्यक्षात कागदावर मात्र तो मर्यादित स्वरूपाचा असतो. दोन आठवडय़ापूर्वी झालेल्या भाजप नगरसेवकांच्या बैठकीत त्या संदर्भात सूचना देण्यात आली होती.

मात्र प्रत्यक्षात पक्षाच्या अनेक सदस्यांनी त्याकडे कानाडोळा केल्याचे दिसून येते. दरम्यान, उमेदवारांनी सादर केलेला खर्च नियमानुसार आहे किंवा नाही, याची तपसणी आयोगाकडून केली जाणार होती, तो कमी दाखविला असेल तर संबंधितांवर कारवाई करण्याची नियमात तरतूद आहे.

मात्र याबाबत महापालिकेच्या निवडणूक शाखेकडे माहिती नाही. उमेदवाराच्या प्रभागात जाहीर सभा होत असेल तर तो खर्च सुद्धा संबंधित उमेदवाराच्या नावावर दाखविण्यात येणार होता.

अनेकांनी सभेचा खर्च लेखाजोखामध्ये दाखविला नसल्याची माहिती सूत्रांनी दिली.

निवडणूक लढविणाऱ्यांना निकाल जाहीर झाल्यानंतर ३० दिवसात म्हणजे २८ मार्चपर्यंत लेखाजोखा सादर करणे अपेक्षित होते. १४६ उमेदवारांनी आतापर्यंत तपशील दिला. उर्वरितांनी का सादर केला नाही ते बघावे लागेल. त्यानंतर निवडणूक प्रमुख त्यावर निर्णय घेतील.

महेश धामेचा, सहआयुक्त, महापालिका निवडणूक विभाग

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: 10 percent candidate given details of the election expenses

First published on: 04-04-2017 at 03:18 IST

संबंधित बातम्या

मराठी कथा ×