अकोला : दोन दुचाकींची समोरासमोर धडक होऊन अपघात घडला. त्याच वेळी मागून येणाऱ्या ट्रकने अपघातग्रस्तांना चिरडल्यामुळे तीन जणांचा मृत्यू, तर तीन जण गंभीर जखमी झाल्याची दुर्दैवी घटना सोमवारी रात्री बाळापूर-पातूर मार्गावर वाडेगावजवळ घडली.

बाळापूरकडे जात असलेली दुचाकी व विरुद्ध दिशेने येणाऱ्या दुचाकीची जोरदार धडक झाली. या दोन्ही दुचाकीवर प्रत्येकी तीन जण स्वार होते. अपघात झाल्यानंतर दुचाकीस्वार रस्त्यावर पडले. नेमके त्याचवेळी दुचाकीच्या पाठीमागून येणाऱ्या भरधाव ट्रकने त्यांना चिरडले. या विचित्र अपघातात तिघांचा घटनास्थळीच मृत्यू झाला व तिघे गंभीर जखमी झाले.

fire workers huts at Mira road
मिरारोड येथे कामगारांच्या झोपड्यांना भीषण आग, चार सिलेंडरचा स्फोट; सुदैवाने कोणतीही जीवितहानी नाही
heavy traffic jam for two hours in dombivli
डोंबिवली दोन तासांपासून अभूतपूर्व वाहतूक कोंडीत; रविवारी खरेदीसाठी बाहेर पडलेल्या नागरिकांना फटका
Anti Gundam Squad beaten Goon
पिंपरीत नागरिकांना त्रास देणाऱ्या गुंडाला गुंडा विरोधी पथकाचा चोप; ठोकल्या बेड्या
navi mumbai, Valve Repair, Traffic Congestion, footpath close, Pedestrian Woes, kopar khairane, teen taki area, marathi news,
व्हॉल्व दुरुस्तीच्या कामामुळे पादचाऱ्यांचे हाल; कोपरखैरणेत तीन टाकी परिसरात पदपथ बंद

हेही वाचा – डॉ. बाबासाहेब आंबेडकर यांना अभिवादन करून अमित शहांच्या दौऱ्याचा ‘श्री गणेशा’, अकोल्यातील बैठकीत विदर्भातील सहा मतदारसंघांवर मंथन

हेही वाचा – वकिलीची सनद पाच वर्षांसाठी रद्द, काय आहे प्रकरण वाचा सविस्तर…

मृतांमध्ये अब्दुल सादिक अब्दुल रज्जाक (वय ४३), अब्दुल मजीद अब्दुल सादिक (२९), अब्दुल शोएब अब्दुल खालिद (१४) यांचा समावेश आहे. जखमींमध्ये खिरपुरी येथील सक्षम शिरसाट, प्रणव शिरसाट व पवार नावाचा युवक आहे. ते दिग्रस येथे कार्यक्रमाला जात होते. या घटनेची माहिती मिळताच पोलिसांनी घटनास्थळी धाव घेतली. जखमींना तत्काळ अकोल्यातील सर्वोपचार रुग्णालय आणण्यात आले. या भीषण अपघातामुळे मार्गावरील वाहतूक विस्कळीत होऊन वाहनांच्या रांगा लागल्या होत्या.