scorecardresearch

Premium

एटापल्ली परिसरातील ‘त्या’ वाघाची शिकार?

एटापल्ली जंगल परिसरात काही दिवसांपूर्वी दिसून आलेल्या वाघाची शिकार झाल्याची शंका व्यक्त करण्यात येत आहे.

doubt of tiger was hunted in Etapalli area
वनाधिकाऱ्यांनी २९ नोव्हेंबर रोजी पहाटे ३ वाजता एटापल्ली-जीवनगट्टा मार्गावर ही कारवाई केली. (फोटो- लोकसत्ता टीम)

लोकसत्ता टीम

गडचिरोली : महाराष्ट्र-छत्तीसगड वनविभागाने केलेल्या संयुक्त कारवाईत दोघांना वाघाच्या कातड्यासह अटक करण्यात आली आहे.

navi mumbai municipal corporation to open wetlands for residential complexes zws
पाणथळ जमिनींवर निवासी संकुले! नवी मुंबईत पामबीचलगत फ्लेमिंगो अधिवास धोक्यात
haj Pilgrims
हजयात्रेकरूंना त्यांचे पैसे परत मिळणार! ‘हे’ आहेत आदेश…
There are no Rohyo works in the rural areas of Buldhana district where drought-like conditions exist Buldhana
धक्कादायक! ५५० ग्रामपंचायतीत ‘रोहयो’ची कामेच नाही, मजुरांची दैना; दुष्काळसदृश्य बुलढाण्यातील चित्र
dombivli marathi news, devicha pada marathi news
डोंबिवलीत देवीचापाडा येथे खाडी किनारी मातीचे भराव, खारफुटी नष्ट करण्याचा प्रयत्न, बेकायदा चाळी उभारण्यासाठी नियोजन

गुप्त माहितीवरून कर्मचारी व वनाधिकाऱ्यांनी २९ नोव्हेंबर रोजी पहाटे ३ वाजता एटापल्ली-जीवनगट्टा मार्गावर ही कारवाई केली असून शामराव रेमश नरोटे (३०, रा. वासामुंडी) आणि अमजद खान पठाण (३७, रा. एटापल्ली) अशी आरोपींची नावे आहेत. त्यामुळे एटापल्ली जंगल परिसरात काही दिवसांपूर्वी दिसून आलेल्या वाघाची शिकार झाल्याची शंका व्यक्त करण्यात येत आहे.

आणखी वाचा-सराफा व्‍यावसायिकाच्‍या हत्‍येचे गूढ उकलले, गवंडीकाम करणारा निघाला मारेकरी

एटापल्ली तालुक्यात वाघाच्या कातडत्याची तस्करी संदर्भात महाराष्ट्र-छत्तीसगड वनविभागाला काही दिवसांपासून गुप्त माहिती मिळत होती. माहितीची खात्री केल्यानंतर २९ नोव्हेंबररोजी पहाटे ३ वाजता दोन्ही राज्याच्या वनविभागाने एटापल्ली-जीवनगाट्टा मार्गावर सापळा रचला. दरम्यान, एका मोटारसायकलवर दोन व्यक्ती संशयास्पद फिरत असल्याचे दिसून आले. त्यांच्यावर संशय आल्याने वनाधिकाऱ्यांनी त्यांना अटकाव करण्याचा प्रयत्न केला. परंतु त्यांनी मोटार सायकलचा वेग वाढवून पळ काढला. सदर मोटारसायकलचा पाठलाग वनकर्मचाऱ्यांनी करीत त्यांना पकडले. त्यांची कसून तपासणी केली असता एका प्लास्टिक पिशवीत वाघाचे कातडे आढळले. तेव्हा वन कर्मचाऱ्यांनी दोन्ही आरोपींना ताब्यात घेतले व वनकायद्याअंतर्गत गुन्हा दाखल केला.

आणखी वाटा-वर्धा : अल्पवयीन मुलीचे अपहरण, आरोपी सापडला साताऱ्यात

महिनाभरापूर्वी एटापल्ली तालुक्यातील मवेली परिसरात वाघाने बैलाची शिकार केली होती. मात्र, त्यांनतर त्याभागात वाघाची कुठलीही हालचाल दिसून आलेली नाही. त्यामुळे या वाघाची शिकार झाल्याचा संशय व्यक्त करण्यात येत आहे. दरम्यान, दोन्ही आरोपींची कसून चौकशी करण्यात येत असल्याची माहिती उपवनसंरक्षक शैलेशकुमार मीणा यांनी दिली. या घटनेचा अधिक तपास भामरागड वन विभागाचे उपवनसंरक्षक शैलेशकुमार मीणा, सहायक वनसंरक्षक अशोक पवार यांच्या मार्गदर्शनात एटापल्लीचे प्रभारी वनपरिक्षेत्र अधिकारी सी.सी. भेडके करीत आहे.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Doubt of tiger was hunted in etapalli area ssp

First published on: 30-11-2023 at 11:26 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×