यवतमाळ : पंतप्रधान नरेंद्र मोदी यांची यवतमाळ येथील सभा निर्विघ्न पार पडावी यासाठी सभेत अडचण आणू शकणाऱ्या कार्यकर्त्यांना पोलिसांनी स्थानबद्ध केले. विविध शेतकरी नेत्यांसह काही राजकीय पक्षांच्या कार्यकर्त्याना पोलिसांनी नोटीस देऊन आज सकाळपासून विविध ठिकाणी स्थानबद्ध केले.

महागाव येथील शेतकरी नेते मनीष जाधव, पुसद येथील साकीब शहा, यवतमाळचे सिकंदर शहा अशा अनेकांना स्थानबद्ध करण्यात आले. यवतमाळ येथे बचत गट मेळाव्यात महिलांना संबोधित करण्यासाठी मोदी येणार आहेत. या सभेत कोणताही अनुचित प्रकार घडू नये, यासाठी प्रशासनाने खबरदारी घेत, सामाजिक कार्यकर्त्यांना नोटीस बजावल्या. मोदींच्या सभेनिमित्त समाज माध्यमातून कोणीही संभ्रम निर्माण करणाऱ्या पोस्ट, चित्रफिती पसरवू नये, याबाबतही अनेकांना नोटीस बजावण्यात आली आहे. या प्रकाराबाबत जिल्ह्यातील सामाजिक कार्यकर्त्यांनी नाराजी व्यक्त केली.

in Gadchiroli charmoshi taluka s Villagers Oppose Land Acquisition for Iron Project BJP Faces Backlash in Lok Sabha Campaign
भूसंपादनावरून संतप्त ग्रामस्थांकडून भाजपचे ‘बॅनर’ लावण्यास मनाई , प्रचारासाठी गेलेल्या कार्यकर्ते व नेत्यांनाही परत पाठवले
shivraj patil chakurkar, Dr archana patil chakurkar, latur, amit deshmukh, congress, bjp
शिवराज पाटील यांच्या स्नुषेच्या भाजप प्रवेशाने काँग्रेसचे कार्यकर्ते अधिक आनंदी
suspense continues over vijay wadettiwar and mla pratibha dhanorkar for lok sabha candidate for chandrapur
विजय वडेट्टीवार की प्रतिभा धानोरकर? सस्पेन्स कायम; तेली समाजापाठोपाठ कुणबी समाजाचाही इशारा
video of swabhimani shetkari sanghatana workers targeting cm eknath shinde viral on social media
मुख्यमंत्री शिंदे यांना उद्देशून परखड भाष्य करणारा स्वाभिमानी शेतकरी संघटनेच्या कार्यकर्त्यांचा व्हिडिओ भलताच चर्चेत

हेही वाचा – सावधान! येत्या ४८ तासांत ढगांच्या गडगडाटासह पावसाची शक्यता

हेही वाचा – कंत्राटी कर्मचारी संपावर गेल्याने राज्यातील वीज यंत्रणा सलाईनवर.. ‘या’ आहेत मागण्या…

शेतकरी संघटना आणि विदर्भ राज्य आंदोलन समितीने स्थानिक आझाद मैदानात महात्मा गांधी यांच्या पुतळ्यासमोर मोदींच्या विरोधात निषेध आंदोलन केले. पंतप्रधान मोदींच्या यवतमाळ दौऱ्याला शिवसेना ठाकरे गटाचा विरोध असल्याचे या पक्षाचे प्रवक्ते किशोर तिवारी यांनी स्पष्ट केले. पंतप्रधान मोदींनी २०१४ आणि २०१९ मध्ये शेतकरी आणि बचत गटाच्या महिलांना दिलेले आश्वासन अद्याप पूर्ण केले नाही, असा आरोप ठाकरे गटाने केला आहे. त्यामुळे मोदींना आता महिलांनी आणि शेतकऱ्यांनीच जाब विचारावा असे मत किशोर तिवारी यांनी व्यक्त केले आहे. दरम्यान मोदी यांच्या सभेसाठी जिल्ह्यातील हजारो महिला यवतमाळ येथे दाखल झाल्या आहेत.