वर्धा: सीईटी कक्षाने एमबीए अभ्यासक्रमाच्या प्रवेशाची प्रक्रिया सुरू केली आहे. त्यासाठी ७ जुलै पर्यंत ऑनलाईन नोंदणी करता येणार आहे. या मुदती नंतर नोंदणी व पडताळणी केलेल्या विद्यार्थ्याचा केंद्रीभूत प्रवेश प्रक्रियेत समावेश होणार नाही. पसंतीक्रम व पुढील प्रवेश प्रक्रियेचे वेळापत्रक काही दिवसातच प्रसिद्ध केले जाणार असल्याचे कक्षाकडून जाहीर करण्यात आले आहे. हेही वाचा. नागपूर : ड्रग्स विक्रेत्याच्या त्रासाला कंटाळून युवकाची आत्महत्या कागदपत्रांची पडताळणी आणि अर्जाची निश्चिती करण्याची प्रक्रिया ८ जुलैला संपेल. ७ जुलै नंतर नोंदणी झालेल्या अर्जाचा विचार नॉन कॅप जागांसाठी केल्या जाणार आहे. अधिकृत संकेतस्थळावर भेट देवून न्यू रजिस्ट्रेशन लिंकवर क्लिक करायचे आहे. त्यानंतर नोंदणी प्रक्रिया सुरू होईल. एमएएच - एमबीए / एमएमएस - सीईटी २०२३ साठी नोंदणी केलेल्या उमेदवारांना प्रवेशासाठी कोणतेही नोंदणी शुल्क पडणार नाही.
