येवला येथील अखिल भारतीय नवोदित मराठी संस्कृत साहित्य संमेलन यांच्यातर्फे लोकज्योती ज्येष्ठ नागरिक मंचचे अध्यक्ष आणि ‘नाएसो’चे माजी उपाध्यक्ष रमेश देशमुख आणि त्यांच्या पत्नी सरिता देशमुख यांना जीवनगौरव पुरस्कार जाहीर करण्यात आला आहे. देशमुख दाम्पत्याने शैक्षणिक, सामाजिक व सांस्कृतिक क्षेत्रात केलेल्या उल्लेखनीय कामाची दखल घेऊन त्यांची या पुरस्कारासाठी निवड करण्यात आल्याचे संस्थेने म्हटले आहे. या पुरस्काराचे वितरण रविवारी येवला शहरातील कन्यादान लॉन्स येथे होणाऱ्या १४व्या मराठी संस्कृत साहित्य संमेलनात संस्कृत अकादमीचे सचिव डॉ. जितराम भट्ट यांच्या हस्ते करण्यात येणार आहे.