scorecardresearch

Premium

नाशिकमध्ये दुसरा बिबट्याही जेरबंद; निवांत बसलेला ‘एसी’च्या बाजुला!

सिडकोतील बिबट्याला जेरबंद केल्यानंतर वन विभागाच्या पथकाने गोविंदनगरमधील एका इमारतीतील सदनिकेत शिरलेल्या बिबट्याला तीन तासांच्या प्रयत्नांनी जेरबंद केले.

A team of forest department arrested a leopard that entered a flat in a building in Govindnagar nashik
नाशिकमध्ये दुसरा बिबट्याही जेरबंद; निवांत बसलेला 'एसी'च्या बाजुला!

नाशिक – सिडकोतील बिबट्याला जेरबंद केल्यानंतर वन विभागाच्या पथकाने गोविंदनगरमधील एका इमारतीतील सदनिकेत शिरलेल्या बिबट्याला तीन तासांच्या प्रयत्नांनी जेरबंद केले. बेशुध्दीचे इंजेक्शन डागण्यासाठी सदनिकेतील एका भिंतीला भगदाड पाडावे लागले.

शहरातील सिडको आणि गोविंदनगर भागात शुक्रवारी दोन बिबट्यांचा संचार आढळून आल्याने स्थानिकांमध्ये घबराट पसरली. वन विभागाने सिडकोतील रायगड चौकात बिबट्याला जेरबंद केले. तर, गोविंद नगरमधील अशोका प्राईड इमारतीत एका सदनिकेत शिरलेल्या बिबट्याला जागरुक डॉक्टराने खोलीत बंद केल्यामुळे मोठा अनर्थ टळला. इमारतीच्या तळ मजल्यावर वास्तव्यास असणारे डॉ. सुशील अहिरे यांच्या सतर्कतेमुळे बिबट्याला सदनिकेतील एका खोलीत बंद करणे शक्य झाले. सकाळी ते कुत्र्याला घेऊन फिरायला गेले होते. घरी परतल्यानंतर कुत्रा अकस्मात अस्वस्थ झाला. जोरात भुंकू लागला. हे पाहून डॉ. अहिरे यांनी आपल्या घरातील एका खोलीची पडताळणी केली असता बिबट्या दिसला. त्यांनी क्षणाचाही विलंब न करता ही खोली बंद करून वन विभागाला माहिती दिली.

combative attitude of Sikh community
चाहे हंजूगॅस बरसाओ, या गोळीया… शेतकरी आंदोलनात ‘जट्ट दा जुगाड’
Koyta gang in police trap
पुणे : ‘सीसीटीव्ही’ कॅमेऱ्यांमुळे कोयता गॅंग पोलिसांच्या जाळ्यात
objectionable tapes
गडचिरोली : ‘हनीट्रॅप’ प्रकरणात आक्षेपार्ह चित्रफीत पोलिसांच्या हाती, पत्रकाराच्या…
Re-joining of demolished illegal building at Khambalpada in Dombivli has started
डोंबिवलीतील खंबाळपाडा येथील तोडलेली बेकायदा इमारत पुन्हा जोडण्यास प्रारंभ

खोलीतील बिबट्याला बेशुध्द करून ताब्यात घेण्यासाठी बरेच प्रयत्न करावे लागले. सदनिकेतील खोलीत बिबट्या कपाटावर जाऊन बसला होता. बाहेरून काठ्या वाजवूनही तो ती जागा सोडत नव्हता. त्यामुळे त्याला बेशुध्द करण्यासाठी खिडकीतून इंजेक्शन डागणे शक्य होत नव्हते. अखेर वन विभागाच्या पथकाने खोलीच्या भिंतीला भगदाड पाडण्याचे ठरवले. त्यानुसार भिंत फोडून इंजेक्शन डागण्यात आले. काही वेळात बिबट्या बेशुध्द पडला. वन विभागाने जाळीतून त्याला पिंजऱ्यात नेले. या बिबट्याला जेरबंद करण्यासाठी वन विभागाला सुमारे तीन तास प्रयत्नांची शिकस्त करावी लागली.

Latest Comment
View All Comments
Post Comment

Nashik News (नाशिक न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: A team of forest department arrested a leopard that entered a flat in a building in govindnagar nashik amy

First published on: 17-11-2023 at 15:27 IST

आजचा ई-पेपर : नाशिक

वाचा
epaper image

संबंधित बातम्या

तुम्ही या बातम्या वाचल्या आहेत का? ×