09 March 2021

News Flash

नवी मुंबई शहरात आज ४१९ नवे करोनाबाधित, चार जणांचा मृत्यू

करोनाबाधितांची एकूण संख्या २७  हजार ५३१ वर

(प्रतिकात्मक छायाचित्र)

नवी मुंबई महापालिका क्षेत्रात करोनाबाधितांची संख्या २७  हजार ५०० पार झाली असून शहरात करोनामुक्तीचा दर ८५ टक्के झाला आहे. शहरात आज ४१९ नवे करोनाबधित रुग्ण आढळले असून,  करोनाबाधितांच्या संख्येत दररोज वाढ होत आहे.

शहरात मृतांची संख्याही दररोज वाढत आहेत. वाढत्या संसर्गामुळे शहरात करोनाबाधितांची  एकूण संख्या २७ हजार ५३१ झाली आहे. शहरात आज चार जणांचा करोनामुळे मृत्यू झाला असून करोनामुळे मृत पावलेल्यांची एकूण संख्या ६१५ झाली आहे.

शहरात आतापर्यत एकूण  तब्बल २३ हजार  २७६ रुग्ण करोनामुक्त झाले आहेत. तर शहरात ३ हजार ६४० रुग्णांवर उपचार सुरू आहेत. शहरात आतापर्यंत एकूण १ लाख ३८ हजार ६५५ जणांच्या चाचण्या  करण्यात आल्या असून करोनामुक्तीचादर ८५ टक्के झाला  आहे.

राज्यात करोनाचा प्रादुर्भाव दिवसेंदिवस झपाट्याने वाढत आहे. राज्यात आज दिवसभरात १९ हजार २१८ नवे करोनाबाधित आढळले. तर, ३७८ जणांचा मृत्यू झाला. याचबरोबर राज्यातील करोनाबाधितांची एकूण संख्या आता ८ लाख ६३ हजार ६२ वर पोहचली आहे. यामध्ये करोनामुक्त झालेले ६ लाख २५ हजार ७७३ जण, २ लाख १० हजार ९७८ अॅक्टिव्ह केसेस आणि आतापर्यंत मृत्यू झालेल्या २५ हजार ९६४ जणांच्या संख्येचा समावेश आहे. आरोग्य विभागाच्या हवाल्याने एएनआयने हे वृत्त दिले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 4, 2020 9:55 pm

Web Title: 419 new corona patients in navi mumbai today four deaths msr 87
टॅग : Coronavirus
Next Stories
1 सायबरसुरक्षेबरोबर वाहतूक सुसूत्रतेला प्राधान्य
2 कांदा महागणार
3 गणेशोत्सवानंतर पनवेलमध्ये करोना रुग्णांत वाढ
Just Now!
X