उरण : चैत्र महिन्यात ग्रामीण भागातील सध्या ग्रामदैवत, देवीदेवतांच्या यात्रा-जत्रा यांची उरण तालुक्यात सुरुवात झाली आहे. यासाठी पारंपरिक शासनकाठ्या, कुटुंबातील व्यक्तींच्या सामूहिक भोजनाच्या मेजवन्या यांची चंगळ असते. यात न्हावा गावची ग्रामदेवता गावदेवीचा यात्रा उत्सव बुधवारी २३ तर पालखी सोहळा २४ एप्रिल रोजी पार पडला.

समुद्रकिनाऱ्यावरील डोंगरातील निसर्गाच्या सान्निध्यात मंदिरात विराजमान असलेल्या न्हावा ग्रामस्थांचे ग्रामदैवत असलेल्या गावदेवीवर भाविकांची अपार श्रद्धा आहे. या श्रद्धेमुळे दरवर्षी गावदेवीच्या यात्रा-पालखी सोहळ्यासाठी अनेक तालुक्यांतील ५०-६० हजार भाविकांची दर्शनासाठी गर्दी उसळते. आबालवृद्ध भाविकांच्या मनोरंजन, विरंगुळ्यासाठी वेगवेगळ्या तऱ्हेची दुकाने, आकाशपाळणे यांची मोठी रेलचेल असते. रात्री ९ वाजता देवीची पालखी मिरवणूक काढून गावभर फिरवण्यात येते. गुलाल उधळीत विविध वाद्यांच्या तालावर नाचत पालखी मिरवणुकीत भाविक सहभागी होतात. भाविकांच्या उत्साहामुळे देवीची पालखी माघारी मंदिरात येण्यासाठी कधी कधी २४ तासांहूनही अधिक कालावधी लागतो.

Mahalaxmi Temple, Kolhapur, Counting of Four Years Worth of Devotees Ornaments donation in Mahalaxmi Temple, Devotees Ornaments donation Counting Begins at Mahalaxmi Temple, Mahalaxmi Temple Kolhapur
कोल्हापुरातील महालक्ष्मी मंदिरात दागिन्यांची मोजदाद सुरू
Kolhapur, hunger strike,
कोल्हापूर : बेलेवाडी काळमाच्या वृद्ध शेतकऱ्यांच्या उपोषणाची पालकमंत्री हसन मुश्रीफ यांच्या हस्ते सरबत घेऊन सांगता
Gajanan Maharaj, Pandharpur,
सातशे वारकरी, ५५ वर्षांची परंपरा; ‘श्रीं’च्या पालखीचे पंढरपूरकडे प्रस्थान
65 thousand trees planted in Kolhapur on the occasion of Chandrakant Patils birthday
चंद्रकांत पाटील यांच्या वाढदिवसानिमित्त कोल्हापुरात ६५ हजार वृक्ष लागवड, संगोपनाचा शुभारंभ
rain, Akola, Heavy rain,
आनंदवार्ता! अकोला जिल्ह्यात मोसमी पाऊस दाखल, विजांच्या कडकडाटासह मुसळधार, शेतकऱ्यांची लगबग
Armed robbery Mahagaon taluka,
यवतमाळ : महागाव तालुक्यात सशस्त्र दरोडा, ३० लाख रोख व १७ तोळे सोन्याचे दागिने लुटले; महिलांना अमानुष मारहाण
chimney, Lakshmi Mill,
सोलापूरच्या लक्ष्मी मिलची १२५ वर्षांची जुनी चिमणी अखेर जमीनदोस्त
Kolhapur, District Collector,
संभाव्य महापुराच्या पार्श्वभूमीवर कोल्हापूर जिल्हाधिकाऱ्यांची शिरोळ, इचलकरंजीत पाहणी

हेही वाचा : वाहतूक बेटासह चौकाचे काँक्रीटीकरण; सीवूड्स येथील तांडेल मैदान चौकात अपघातापासून बचावासाठी महापालिकेचे पाऊल

करंजा येथील द्रोणगिरी देवीची यात्रा पालखी सोहळा ३० एप्रिल ते १ मे रोजी साजरा करण्यात येणार आहे. द्रोणगिरी डोंगराच्या पायथ्याशी असलेल्या द्रोणगिरी देवी वसलेली आहे. द्रोणगिरी देवी पंचक्रोशीतील आगरी- कोळ्यांची माउली आहे.

द्रोणगिरी देवीच्या यात्रा पालखी मिरवणुकीत हजारो भाविक मोठ्या श्रद्धेने सहभागी होऊन देवीच्या चरणी नतमस्तक होतात. जसखार ग्रामस्थांची प्रसिद्ध ग्रामदेवता श्रीरत्नेश्वरी देवीचा यात्रा पालखी उत्सवही दरवर्षी मोठ्या उत्साहात साजरा करण्यात येतो. या वर्षीही श्रीरत्नेश्वरी देवीचा यात्रा पालखी सोहळा १ ते २ मे रोजी साजरा करण्यात येणार आहे. श्रीरत्नेश्वरी देवीच्या दर्शनासाठी दरवर्षी लाखो भाविकांची गर्दी उसळते.

हेही वाचा : रेशनदूकानदाराला जाब विचारणाऱ्या माजी नगराध्यक्षाविरोधात गुन्हा दाखल

गव्हाण, नवीन शेवा, फुंडा, कोप्रोली येथे उत्सव

पुढील आठवड्यात गव्हाण गावची शांतादेवी, नवीन शेवा येथील शांतेश्वरी, फुंडा गावची घुरबादेवी आदी ग्रामदेवतांचाही यात्रा पालखी मिरवणूक सोहळा साजरा केला जाणार आहे. कोप्रोली गावची ग्रामदेवता जोगेश्वरी व बापूजी देव यात्रा उत्सव ७ ते ८ मे रोजी पार पडणार आहे. या यात्रेत देवकाठ्या नाचविण्याची प्रथा आहे. देवकाठ्या नाचविण्याचा सोहळा पाहण्यासाठी भाविकांची मोठी गर्दी होते.