नवी मुंबई : बेलापूर येथे तयार असलेल्या बहुमजली पार्किंगची सुविधा कार्यान्वित करण्यासाठी एजन्सी नेमण्यासाठी निविदा मागवण्यात येणार असल्याची माहिती पालिकेच्या वरिष्ठ अधिकाऱ्यांनी दिली आहे. त्यामुळे पुढील काळात बेलापूर येथील बहुमजली पार्किंग सुरू करण्यात येणार आहे. शहरातील पार्किंगसाठी सीबीडी बेलापूर येथील सेक्टर १५ येथे भूखंड क्र. ३९ या ४७०५ चौ.मी. क्षेत्रफळाच्या भूखंडावर बहुमजली पार्किंग सुविधा विकसित करण्यात आली आहे. काही कालावधीतच हा वाहनतळ लोकांच्या वापरासाठी खुला होऊन या परिसरातील वाहनतळाची समस्या मोठया प्रमाणात मार्गी लागणार आहे.

या ठिकाणी ३९६ चारचाकी व १२१ दुचाकी वाहनांच्या अशी एकूण ५१७ वाहनांच्या पार्किंगची व्यवस्था सुरु करण्यात येणार आहे. एकीकडे बेलापूर येथे पार्किंगची सुविधा तयार झाली असून सीबीडी सेक्टर १५ येथे भूखंड क्रमांक ७२ या ठिकाणी ६९०० चौ.मी. क्षेत्रफळाच्या भूखंडावर तसेच सेक्टर ३० ए, वाशी येथे हॉटेल तुंगासमोरील ११ हजार ३०० चौ. मी. क्षेत्रफळाच्या भूखंडावर वाहनतळ विकसित करण्याचे नियोजन करण्यात येत आहे. या भूखंडांवरील वाहनतळ शासन व खाजगी संस्था भागीदारी तत्वावर विकसित करण्याच्या पर्यायांचा विचार करण्यात येत आहे.

port at vadhvan, vadhvan,
वाढवण येथील पर्यावरणस्नेही बंदराचा मार्ग मोकळा
Traffic congestion, Divisional Commissioner office area,
विभागीय आयुक्त कार्यालय परिसरातील वाहतुकीचा बोजवारा, वाहनचालकांना पाच ते दहा किलोमीटरचा वळसा
Mumbai road mastic, Mumbai potholes road,
मुंबई : खड्ड्यांना ‘मास्टिक’ची मलमपट्टी, प्रयोगांना सोडचिठ्ठी देत नव्या प्रशासनाचे जुन्या पद्धतीलाच प्राधान्य
Slum cleaning contract
झोपडपट्टी स्वच्छता कंत्राट : चौथ्यांदा मुदतवाढीची नामुष्की, १५ एप्रिलला न्यायालयात सुनावणी

हेही वाचा : पनवेलमध्ये खोकला, तापाच्या रुग्णांत वाढ

बेलापूर सेक्टर १५ येथील बहुमजली पार्किंग सुरु करण्याबाबत लवकरच निविदा मागवून कार्यवाही करण्यात येणार असल्याची माहिती कार्यकारी अभियंता पाटील यांनी लोकसत्ताला दिली. आगामी काळात पार्किंगची समस्या वाढणार आहे. त्यामुळे पालिकेने शहरातील पार्किंग समस्या दूर करण्यासाठी महापालिकेने नियोजनबध्द पावले उचलण्यास सुरुवात केली असून याबाबत नुकतीच आढावा बैठका घेत विभागनिहाय पार्किंग प्लॉट विकसित करण्याकडे विशेष लक्ष दिले जात आहे.

हेही वाचा : सिडकोची अभय योजना: अतिरिक्त भाडेपट्टा शुल्काची रक्कम ३१ मार्चपर्यंत भरल्यास ५० टक्के सवलत

“वाहनतळाचे नियोजन करताना सध्या असलेल्या वाहनांच्या वाहतुकीचा विचार करण्यासोबतच आगामी कालावधीत वाढणाऱ्या संभाव्य वाहनांच्या संख्येचाही विचार करण्याच्या सूचना दिल्या आहेत. वाहनतळांचे दर परवडणारे असावेत तसेच शहरात विविध ठिकाणी वाहनतळाचे नियोजन करावे व सर्वेक्षण करून वेगवान कार्यवाही करण्याचे आदेश देण्यात आले आहेत.” – राजेश नार्वेकर, आयुक्त नवी मुंबई महापालिका