scorecardresearch

Premium

उरणच्या बाजारात वालाच्या शेंगा; खवय्यांना थंडीत पोपटीची चाहूल

यावर्षी डिसेंबरच्या सुरुवातीलाच बाजारात वालाच्या शेंगा आल्या आहेत.

Vaal pods start market gourmets craving popti winter season
उरणच्या बाजारात वालाच्या शेंगा; खवय्यांना थंडीत पोपटीची चाहूल (छायाचित्र- लोकसत्ता टीम)

उरण: बाजारात सध्या वालाच्या शेंगा येऊ लागल्या असून खवय्यांना पोपटीची चाहूल लागली आहे. त्यामुळे यावर्षीच्या हंगामातील वालाच्या शेंगांच्या पोपट्या सुरू होणार आहेत.काही ठिकाणी पोपट्यांना लागू लागल्या आहेत. थंडीची सुरुवात झाल्यानंतर खवय्यांना पोपटाचीही आस लागलेली असते. मात्र वालाच्या शेंगांना उशीर होत असल्याने पोपटाची प्रतिक्षा असते. यावर्षी डिसेंबरच्या सुरुवातीलाच बाजारात वालाच्या शेंगा आल्या आहेत. त्याची खरेदीही सुरू झाली आहे. या शेंगांना किलोमागे १०० रुपये दर आकारला जात आहे. वालाच्या पोपट्या या उरण तालुक्यातील चिरनेर तसेच इतर अनेक भागातून लावल्या जातात.

वालाच्या शेंगांच्या पोपटीची लज्जत आणि चव ही सात समुद्रा पलीकडे पोहचली आहे. गवत आणि लाकडाच्या आगीवर वाफेवर शिजविलेल्या शेंगा तयार केल्या जातात. सुरुवातीला केवळ वालाच्या शेंगांच्या ऐवजी सध्या विविध प्रकारच्या शेंगा,वांगी,बटाटा, तसेच अंडी,चिकन ही या पोपटीत शिजविले जाते. तेला शिवाय वाफेवर शिजणाऱ्या जिन्नस चवीला उत्कृष्ट असतात.

one labourer killed 4 injured in wall collapse in nalasopara
नालासोपाऱ्यात भिंत कोसळून एका मजुराचा मृत्यू; ४ मजूर गंभीर जखमी
yavatmal theft marathi news, jewellery of rupees 30 lakhs stolen yavatmal marathi news, raymond company s housing colony yavatmal
‘रेमंड’मधील अधिकाऱ्याच्या बंगल्यातून चक्क ३० लाखांचे दागीने लंपास; सुरक्षा भेदून चोरी
mill workers got houses
पात्र ५८५ गिरणी कामगार अखेर हक्काच्या घरात, कोन पवनेलमधील घरांचे वितरण
Tata Punch
Creta, Grand Vitara सोडून ग्राहकांना टाटाच्या ‘या’ ६ लाखाच्या ५ सीटर कारचं लागलयं वेड, होतेय धडाक्यात विक्री

हेही वाचा… उरणमध्ये मंगळवार ठरला घातवार; कंटेनरच्या धडकेत एकाच दिवशी अपघात; दोघांचा मृत्यू

त्यामुळे पोपटी ही अनेक ठिकाणी प्रसिद्ध आहे. असे असले तरी ठराविक ठिकाणच्या पोपटीला खवय्यांकडून पसंती दिली जाते. त्यात उरण तालुक्यातील चिरनेर परिसराचा समावेश आहे. या पोपटीची खरी जिन्नस म्हणजे शेतात व बांधावर मिळणार म्हामोट्याचा पाळा ही आहे. यापाल्याचा जखमेवर लावण्यासाठी उपयोग केला जातो.

कशी बनते पोपटी

एका मडक्यात बुंध्याला म्हामोटा(पाळा)त्यानंतर एक थर शेंगा व इतर जिन्नस यांना मीठ मसाला लावून त्यानंतर पुन्हा म्हामोटा असे थर लावले जातात. त्यानंतर शेवटी म्हामोट्याच्या पाळ्यानी मडक्याचे तोंड बंद केले जाते. मंडक उपड करून ठेवलं जात. त्यानंतर लाकडं व गवत रचून त्याला पेटवण्यात येत. ही आग आणि त्याची धग पाऊण तास ते एक तास कायम ठेवली जाते. या वाफेचा वास आल्यानंतर मंडक काढून ते रिकाम केलं जातं.आणि वाफाळेल्या शेंगांचा आस्वाद घेतात.

पाणी आणि दवाच्या वालाच्या शेंगा

सध्या बाजारात उपलब्ध असलेल्या वालाच्या शेंगा या शेतांच्या बंधावर पाणी आणि रसायनांचा वापर करून पिकविल्या जातात. तर चवीच्या खऱ्या शेंगा या शेततातील पिके काढल्यानंतर शेत जमिनीला ओलावा असतांना वालाची पेरणी केली जाते. या वालाच्या पिकाला कोणतेही रसायन किंवा पाणी दिले जात नाही तर हे वालाचे पीक नैसर्गिक रित्या येते त्यामुळे या वालाच्या शेंगांच्या किंमतीही जास्त असतात. आणि त्याचीच पोपटी ही अधिक चविष्ट असते. या वालाच्या पिकाची पेरणी पंधरा दिवसांपूर्वी केली असून हे पीक येण्यासाठी ६० ते ७० दिवस लागतात. त्याचप्रमाणे आशा प्रकारच्या नैसर्गिक पिकामुळे जमिनीची पोत वाढण्यासाठी होत असल्याची माहिती चिरनरे येथील कृषीमित्र प्रफुल्ल खारपाटील यांनी दिली आहे.

Latest Comment
View All Comments
Post Comment

Navimumbai News (नवी मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Vaal pods have started coming in the market and gourmets are craving for popti in winter season dvr

First published on: 07-12-2023 at 12:38 IST

आजचा ई-पेपर : नवी मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×