Crimes against seven people including BJP deputy sarpanch women case of assault ysh 95

डहाणू तालुक्यातील नवनाथ कोहराळीपाडा या आदिवासी पाडय़ात ६ मार्च रोजी बोअरवेलमध्ये पाण्याची मोटर बसवण्यावरून वाद निर्माण झाला होता.

प्रतिनिधिक छायाचित्र/लोकसत्ता

बोईसर : पाण्यासाठी झालेल्या वादातून आदिवासी पाडय़ातील महिलांना मारहाण केल्याप्रकरणी भाजपचा उपसरपंच आणि त्याच्या कुटुंबातील एकूण सात जणांवर डहाणू पोलिसात गुन्हा दाखल करण्यात आला आहे. डहाणू तालुक्यातील नवनाथ कोहराळीपाडा या आदिवासी पाडय़ात ६ मार्च रोजी बोअरवेलमध्ये पाण्याची मोटर बसवण्यावरून वाद निर्माण झाला होता.

या वादात गंजाड-नवनाथ ग्रुप ग्रामपंचायतीचा उपसरपंच कौशल कामडी आणि त्याच्या कुटुंबातील इतर सहा जणांनी निर्मला वायेडा, मधुश्री धिंडे, गीता वायेडा, मायाश्री वायेडा, कनुश्री वायेडा आणि लता धिंडे, मंगेश वायेडा, सुनील वायेडा यांना दांडक्याने व लाथाबुक्क्यांनी जबर मारहाण केली होती. या मारहाणीत महिलांचे सोन्याचे दागिनेही गहाळ झाले होते. डहाणू पोलिसांनी उपसंरपंचासह त्यांच्या कुटुंबातील सात जणांवर यांच्यावर विविध कलमांनुसार डहाणू पोलीस ठाण्यात गुन्हा दाखल करण्यात आला आहे.

First published on: 15-03-2023 at 01:11 IST

Palghar News (पालघर न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Crimes against seven people including bjp deputy sarpanch women case of assault ysh

भाजपच्या उपसरपंचासह सात जणांवर गुन्हे