-
लोकसभा निवडणुकीच्या पार्श्वभूमीवर आज काँग्रेस नेते राहुल गांधी यांची महाराष्ट्रातील अमरावती आणि सोलापूर लोकसभा मतदारसंघात जाहीर सभा पार पडली.(सर्व फोटो साभार-राहुल गांधी,फेसबुक पेज)
-
अमरावती आणि सोलापूर लोकसभा मतदारसंघातील भाषणात बोलताना राहुल गांधी यांनी पंतप्रधान नरेंद्र मोदी यांच्यासह भाजपाच्या नेत्यांवर टीका केली.
-
सभेत बोलताना राहुल गांधी यांनी काँग्रेसच्या जाहीरनाम्यातील अनेक मुद्दे सांगत काही मोठ्या घोषणा देखील आज केल्या आहेत.
-
राहुल गांधी म्हणाले, इंडिया आघाडीचं सरकार, काँग्रेसचं सरकार, करोडो लोकांना लखपती कसं बनवणार? हे मी आज तुम्हाला सांगायला आलो आहे.
-
राहुल गांधींनी यावेळी महालक्ष्मी योजनेची घोषणा केली. या माध्यमातून प्रत्येक कुटुंबाची यादी तयार करून एका महिलेच्या नावावर बँक खात्यात वर्षाला एक लाख रुपये देण्यात येतील.
-
इंडिया आघाडीचं सरकार आल्यानंतर राज्यातील अंगणवाडी सेविका आणि आशा वर्कर्स यांना दुप्पट मानधन देण्यात येणार आहे, असे राहुल गांधी म्हणाले.
-
देशाच इंडिया आघाडीचं सरकार आलं तर सर्वात आधी शेतकऱ्यांचं कर्ज माफ केलं जाईल, अशी मोठी घोषणा राहुल गांधी यांनी अमरावतीत बोलताना केली.
-
याबरोबरच देशातील तरुणांसाठी नोकरीच्या आधी अप्रेंटिसशीप करत असताना एक लाखांचे मानधन दिले जाणार, अशी घोषणा राहुल गांधी यांनी केली.
-
महिलांना सार्वजनिक क्षेत्रात ५० टक्के आरक्षण देण्यात येईल, अशी घोषणाही राहुल गांधी यांनी केली आहे.
-
इंडिया आघाडीचं सरकार आल्यानंतर शेतकऱ्यांचे कर्ज माफ केले जाईल. तसेच शेतकऱ्यांसाठी एक आयोगाची स्थापनाही केली जाईल. त्यामधून शेतकऱ्यांना गरज पडेल तेव्हा कर्जमाफी करण्याची शिफारस हा आयोग करेल
Raj Thackeray : राज ठाकरेंची उद्धव ठाकरेंवर जोरदार टीका, “बाळासाहेब ठाकरे म्हणाले होते माझ्या शिवसेनेची काँग्रेस होताना दिसली तर..”
