मराठी अभिनेता शशांक केतकरच्या घरी लवकरच पाळणा हलणार आहे. पत्नी प्रियांका ढवळे गरोदर असल्याची गोड बातमी शशांकने नुकतीच सोशल मीडियाद्वारे चाहत्यांना दिली.

२०१७ मध्ये शशांकने प्रियांकाशी लग्नगाठ बांधली. शशांकचं हे दुसरं तर प्रियांकाचं पहिलं लग्न आहे.

प्रियांका वकील असून सोशल मीडियावर ती खूप सक्रिय असते. इन्स्टाग्रामवर तिचे ४८ हजारांहून अधिक फॉलोअर्स आहेत.

अभिनेत्री तेजश्री प्रधानला घटस्फोट दिल्यानंतर शशांकची फेसबुकद्वारे प्रियांकाशी ओळख झाली.

हळूहळू मैत्रीचं प्रेमात रुपांतर झालं आणि व्हॅलेंटाइन डेच्या निमित्ताने शशांकने फेसबुक प्रोफाइलवर प्रियांकासोबतचा फोटो ठेवून आयुष्यात प्रेम परतल्याची चाहूल दिली.

दुसरीकडे प्रियांकानेही तिच्या इन्स्टाग्रामवरून शशांकचा फोटो शेअर करून दोघांमध्ये प्रेम फुलत असल्याच्या चर्चेला आणखी पक्कं केलं होतं.

प्रियांका अभिनय क्षेत्रातली नसली तरी सोशल मीडियावर तिचा चाहतावर्ग मोठा आहे.

तिच्या फोटोंवर नेटकऱ्यांकडून कमेंट्स व लाइक्सचा वर्षाव होत असतो.

शशांक केतकर हा मराठी टेलिव्हिजनवरील लोकप्रिय व प्रसिद्ध चेहरा आहे. 'होणार सून मी या घरची', 'हे मन बावरे' यांसारख्या मालिकांमध्ये त्याने उल्लेखनीय भूमिका साकारल्या.

(सर्व छायाचित्र सौजन्य- इन्स्टाग्राम, प्रियांका ढवळे)