How Many Breaths Do You Take Each Day know the details nrp 97 | एका मिनिटांत आपण किती वेळा श्वास घेतो माहितीये का?

मानवी शरीर हे एखाद्या रहस्याप्रमाणेच आहे. आपल्या शरीरात लाखो पेशी, हजारो लीटर रक्त, तेवढीच हाडं अशा एक ना हजारो गोष्टी असतात. ज्यामुळे आपण व्यवस्थितरित्या चालू फिरु शकतो. आपण दिवसभरात अशा अनेक गोष्टी आहेत ज्या नेहमी करत असतो. यातीलच एक कृती म्हणजे श्वास घेणे. श्वासशिवाय माणसाचे जगणं अशक्य असते. पण एखादी व्यक्ती दिवसभर म्हणजे २४ तासात किती वेळा श्वास घेते? हे तुम्हाला माहितीय का? नाही ना...चला तर जाणून घेऊया. प्राणवायू हा मानवी शरीरातील महत्त्वाचा घटक आहे. मेंदूला रक्तपुरवठा करण्यात प्राणवायू अतिशय महत्त्वपूर्ण भूमिका बजावतो.श्वास घेणे ही एक अशी क्रिया आहे जी आपण २४ तास करतो.एखादी निरोगी व्यक्ती दर मिनिटाला १५ ते १६ वेळा श्वास घेते.म्हणजेच आपण तासाभरात साधारण ९६० वेळा श्वास घेतो. तर दिवसभरात एखादी निरोगी व्यक्ती २३ हजार ०४० वेळा श्वास घेतो. तसेच एका वर्षात माणूस ८४०९६०० वेळा श्वास घेतो. जर तुम्ही श्वसनाचे व्यायाम करत असाल त्यावेळी ही संख्या वाढू शकते. यानुसार एखादा सर्वसामान्य निरोगी मनुष्य हा २ हजार पेक्षा जास्त गॅलन श्वास घेतो. दीर्घ श्वास घेतल्याने शरीर आणि मन या दोन्हीला फार फायदा होतो. तसेच दीर्घ श्वासाचा व्यायाम केल्यास हृदयही चांगल्या प्रकारे काम करु लागते.