-
महाराष्ट्र राज्य माध्यमिक व उच्च माध्यमिक शिक्षण मंडळातर्फे (राज्य मंडळ) १ ते २६ मार्च या कालावधीत दहावीची परीक्षा होणार आहे. (Express Photo : Narendra Vaskar)
-
परीक्षेसाठी १६ लाख ९ हजार ४४५ विद्यार्थ्यांनी नोंदणी केली आहे. (Express Photo : Narendra Vaskar)
-
ही परीक्षा सुरक्षित वातावरणात होण्यासाठीच्या उपाययोजना राज्य मंडळाने केल्या असून, २७१ भरारी पथके नेमण्यात आली आहेत. (Express Photo : Narendra Vaskar)
-
निवडणूक आचारसंहिता लागली, तरी परीक्षेवर फारसा परिणाम होणार नाही. (Express Photo : Narendra Vaskar)
-
राज्य मंडळाचे अध्यक्ष शरद गोसावी यांनी पत्रकार परिषदेत ही माहिती दिली. मंडळाच्या सचिव अनुराधा ओक, माणिक बांगर या वेळी उपस्थित होते. (Express Photo : Narendra Vaskar)
-
परीक्षेच्या कालावधीत विद्यार्थ्यांच्या समुपदेशनासाठी राज्य मंडळ स्तरावर दहा समुपदेशकांची नियुक्ती करण्यात आली आहे. (Express Photo : Narendra Vaskar)
-
उत्तरपत्रिकेची गोपनीयता राहण्यासाठी सहायक परीरक्षक बैठे पथक म्हणून परीक्षा केंद्रावर कार्यरत राहतील. (Express Photo : Narendra Vaskar)
-
तसेच प्रश्नपत्रिकांची गोपनीय पाकिटे ताब्यात घेतल्यापासून वितरित करेपर्यंतचे चित्रीकरण करण्यात येईल. सहायक परीरक्षक यांनी त्यांच्या मोबाइलचे जीपीएस सुरू ठेवणे आवश्यक आहे. (Express Photo : Narendra Vaskar)
-
राज्य मंडळाच्या भरारी पथकासह जिल्हा स्तरावरही भरारी पथके नियुक्त करण्यात आली आहेत. (Express Photo : Narendra Vaskar)
-
दरम्यान, दहावीच्या विद्यार्थ्यांचा आज पहिलाच पेपर असल्याने त्यांच्या मनावर दडपण असणार. (Express photo by Pradip Das)
-
याच गोष्टीचा विचार करून माहीम येथील सरस्वती विद्या मंदिर हाय स्कूलच्या शिक्षकांनी विद्यार्थ्यांना गुलाब देऊन त्यांचे स्वागत केले आहे. (Express photo by Pradip Das)
-
यामुळे विद्यार्थ्यांना धीर मिळाला आणि परीक्षा देण्यासाठीचा त्यांचा उत्साहही वाढला. (Express photo by Pradip Das)
-
सरस्वती विद्या मंदिर हाय स्कूलच्या शिक्षकांच्या कृतीचे सर्वच स्तरातून कौतुक करण्यात येत आहे. (Express photo by Pradip Das)
-
गेल्या वर्षी परीक्षेसाठी १५ लाख ७७ हजार २५६ विद्यार्थ्यांची नोंदणी केली होती. त्यामुळे यंदा नोंदणी केलेल्या विद्यार्थ्यांची संख्या वाढली आहे. (Express photo by Pradip Das)
-
यंदा सहा हजार खासगी आणि आठ हजार पुनर्परीक्षार्थी वाढले आहेत, असे गोसावी यांनी सांगितले. (Express Photo : Narendra Vaskar)
-
लोकसभा निवडणूक असली, तरी निकाल वेळेत जाहीर केला जाईल, असे गोसावी यांनी स्पष्ट केले. (Express Photo : Narendra Vaskar)
Raj Thackeray : राज ठाकरेंची उद्धव ठाकरेंवर जोरदार टीका, “बाळासाहेब ठाकरे म्हणाले होते माझ्या शिवसेनेची काँग्रेस होताना दिसली तर..”
