२०२४ सालच्या लोकसभा निवडणुकीत विजय मिळवण्यासाठी विरोधक एकत्र आले आहेत. विरोधकांनी आपल्या आघाडीला ‘इंडिया’ असे नाव दिले असून देशातील महत्त्वाच्या विरोधी पक्षांचा या आघाडीत समावेश आहे. काँग्रेससह आम आदमी पार्टी (आप) पक्षदेखील या आघाडीत आहेत. दरम्यान, आप पक्षाच्या गुजरात विभागाचे प्रदेशाध्यक्ष इसुदान गढवी यांनी या युतीवर मोठे आणि महत्त्वाचे भाष्य केले आहे. आमची इंडिया या आघाडीच्या माध्यमातून काँग्रेसशी युती असून आम्ही गुजरातमध्ये जागावाटप करण्यास तयार आहोत, असे ते म्हणाले आहेत.

काँग्रेसने कोणतीही प्रतिक्रिया दिली नाही

गढवी यांच्या या विधानानंतर आप पक्ष आता प्रत्येक राज्यात काँग्रेससोबत जागावाटप करणार का? असा प्रश्न उपस्थित केला जात आहे. गढवी यांनी आम्ही जागावाटपास तयार आहोत, असे जाहीर भाष्य केले असले तरी काँग्रेसने मात्र अद्याप यावर कोणतीही थेट प्रतिक्रिया दिलेली नाही. पक्षश्रेष्ठींनी अधिकृत घोषणा करण्याआधीच गढवी यांनी जागावाटपावर भाष्य करणे योग्य नाही, असे काँग्रेसच्या नेत्यांचे मत आहे.

Congresss lead in four legislative assemblies is a warning bell for BJP
भंडारा-गोंदिया लोकसभा : काँग्रेसची चार विधानसभेतील आघाडी भाजपसाठी धोक्याची घंटा
nda meeting pm narendra modi oath taking
सत्तास्थापनेचं ठरलं, आता मंत्रीपदांसाठी चढाओढ; १२ खासदारांच्या संख्याबळावर नितीश कुमार तीन खात्यांसाठी आग्रही!
How Congress became the number one party in Maharashtra despite having no statewide leadership print exp
राज्यव्यापी नेतृत्व नसूनही महाराष्ट्रात काँग्रेस क्रमांक एकचा पक्ष कसा ठरला?
maval lok sabha seat, panvel vidhan sabha seat, bjp, srirang barne, got less vote from panvel, maval lok sabha 2024, shrirang barne, sanjog waghere, Pune Lok Sabha Election 2024 Results Updates, 2024 Pune Lok Sabha Election 2024 Results, 2024 Pune Lok Sabha Election 2024 Results Updates in Marathi, Pimpri Chinchwad Assembly Election Results Updates in Marathi,
‘मावळ’च्या निकालाचा धसका पनवेल भाजपच्या चाणक्यांना 
congress nana patole
आता शिंदे-फडणवीस सरकारचा भ्रष्टाचार जनतेसमोर मांडणार, काँग्रेसची विधानसभा निवडणुकीची तयारी सुरू
Tejashwi Yadav RJD back pain painkillers INDIA loksabha election campaigning
तेजस्वींच्या पाठदुखीवरून राजकीय वाकयुद्ध; पंतप्रधान मोदी म्हणतात, “बिहारचा शहजादा…”
Lakshmir Bhandar scheme West Bengal Mamata Banerjee BJP Loksabha Election 2024
‘लक्ष्मी भंडार योजने’वरुन तृणमूल काँग्रेस आणि भाजपामध्ये का जुंपली आहे?
mallikarjun Kharge, mallikarjun Kharge Slams narendra Modi, mallikarjun Kharge Slams narendra Modi s Exaggerations , Predicts BJP s Defeat, BJP s Defeat in lok sabha 2024 elections, congress, bjp, politics news,
अतिशयोक्ती करणाऱ्या पंतप्रधानाकडे सांगण्याजोगे आहेच काय?-खरगे

गढवी नेमके काय म्हणाले?

गुजरातमध्ये गढवी एका पत्रकार परिषदेत बोलत होते. यावेळी बोलताना त्यांनी इंडिया आघाडी आणि काँग्रेससोबतच्या युतीवर भाष्य केले. “काँग्रेस आणि आप पक्षात युती झालेली आहे. त्याला आम्ही ‘इंडिया’ असे म्हणतो. ही युती गुजरातमध्येही लागू होते. सध्या आम्ही गुजरातमधील लोकसभेच्या जागांवर अभ्यास करत आहोत. भाजपाला इंडिया या आघाडीची भीती वाटत आहे. पंतप्रधान नरेंद्र मोदींपासून भाजपाच्या अन्य नेत्यांच्या मनातही ही भीती आहे. याच कारणामुळे ते आमच्या आघाडीवर टीका करत आहेत,” असे गढवी म्हणाले.

“…तर आम्ही सर्वच जागांवर विजयी होऊ शकतो”

युती असलेल्या पक्षांनी एकमेकांशी चांगल्या प्रकारे जागावाटप केल्यास आम्ही गुजरातमधील सर्वच्या सर्व म्हणजेच २६ जागा जिंकू शकतो, असा विश्वासही गढवी यांनी व्यक्त केला. आप पक्षाचे गुजरातमधील प्रवक्ते करण बरोत यांनीदेखील यावर प्रतिक्रिया दिली आहे. भाजपाविरोधात सामना करण्यासाठी प्रत्येक मतदारसंघात कोणाची ताकद किती आहे? हे जाणून घेऊनच आप आणि काँग्रेस पक्ष आपले उमेदवार उभे करतील, असे करण बरोत यांनी सांगितले.

“वेळेआधीच त्यांनी ही घोषणा केली”

काँग्रेसने मात्र यावर अद्याप कोणतीही थेट प्रतिक्रिया दिलेली नाही. जागावाटपावर दिल्लीतील पक्षश्रेष्ठीच निर्णय घेतील, असे मत काँग्रेसच्या नेत्यांनी व्यक्त केले.काँग्रेसचे प्रवक्ते मनिष दोशी यांनीदेखील यावर भाष्य केले आहे. “गढवी यांनी केलेल्या घोषणेविषयी मला नुकतेच समजले आहे. जागावाटपाचा निर्णय केंद्रातील नेतेमंडळीच घेणार आहेत,” असे दोशी म्हणाले.

“आप पक्ष काँग्रेसची बी टी, दावा खरा ठरला”

गुजरात भाजपाचे प्रवक्ते ऋत्विज पटेल यांनीदेखील गढवी यांच्या घोषणेनंतर प्रतिक्रिया दिली आहे. मागील दोन्ही निवडणुकीत भाजपाने गुजरातमध्ये चांगली कामगिरी केलेली आहे. २०२४ च्या निवडणुकीत मोठ्या फकराने जिंकण्याचे आमचे लक्ष्य असणार आहे. आपचा उदय झाल्यापासून आम्ही तो पक्ष काँग्रेसची बी टीम असल्याचे सांगतो. आज या दोन पक्षांत युतीची घोषणा करण्यात आली आहे. त्यांनी आमचा दावा योग्य अल्याचे सिद्ध करून दाखवले आहे, असे पटेल म्हणाले.

“नरेंद्र मोदीच पंतप्रधान होणार”

“याआधीच्या दोन्ही लोकसभा निवडणुकांत आम्ही २६ जागांवर विजयी झालेलो आहोत. या वेळी आमचे प्रदेशाध्यक्ष सी. आर. पाटील यांनी मोठ्या फरकाने निवडून येण्यास सांगितले आहे. अमित शाहा यांनी नुकतेच विधान केले आहे की, विरोधकांनी काहीही करू देत. पण आगामी लोकसभा निवडणुकीत नरेंद्र मोदी यांचाच विजय होणार आहे,” असेही पटेल म्हणाले.

काँग्रेसने १७ जागांवर तर आप पक्षाचा ५ जागांवर विजय

दरम्यान, २०२२ सालाच्या डिसेंबर महिन्यात गुजरातमध्ये विधानसभा निवडणूक पार पडली होती. या निवडणुकीत काँग्रेस आणि आम आदमी पार्टीने एकमेकांविरोधात उमेदवार उभे केले होते. या निवडणुकीत काँग्रेसने १७ तर आप पक्षाने पाच जागांवर विजय मिळवला होता.