छत्रपती संभाजीनगर: सलग पाच वेळा लोकसभा निवडणुकीत विजयी होणाऱ्या रावसाहेब दानवे यांच्यासमोर सहाव्या वेळी उमेदवार कोण उतरवायचा याचा निर्णय काँग्रेसमधील वरिष्ठ नेत्यांना अजून घेता आलेला नाही. माजी आमदार कल्याण काळे यांच्या नावावर जिल्ह्यातील नेत्यांनी सहमती दर्शवूनही १५ दिवस उलटून गेले आहेत. मात्र, निर्णयच होत नसल्याने काँग्रेसचे नेते आणि कार्यकर्ते संभ्रमात आहेत. या पूर्वी कल्याण काळे यांनी रावसाहेब दानवे यांच्याविरोधात दोनदा निवडणूक लढविली होती. मात्र, ते पराभूत झाले होते. सलग पराभव होणाऱ्या या मतदारसंघाची जागा शिवसेनेच्या उद्धव ठाकरे गटाकडे देण्याचाही प्रयत्न झाला होता. मात्र, काँग्रेसच ही जागा लढवेल असे वारंवार सांगण्यात आले होते.

१९९९ पासून रावसाहेब दानवे यांनी जालना लोकसभा मतदारसंघ कायम राखला आहे. पहिल्या लोकसभा निवडणुकीत त्यांनी काँग्रेसचे ज्ञानदेव बांगर यांना पराभूत केले होते. त्यानंतर उत्तमसिंग पवार, कल्याण काळे, विलास औताडे यांनाही त्यांनी प्रत्येकी दोनदा पराभूत केले. जालना जिल्ह्यात १९९९ मध्ये सर्वाधिक ७२.४८ टक्के मतदान झाले होते. गेल्या निवडणुकीत म्हणजे २०१९ मध्ये रावसाहेब दानवे ५७.७३ टक्के मतदान घेऊन निवडून आले होते. आता पुन्हा निवडणुकीत काँग्रेसचा उमेदवार कोण असेल अशी विचारणा केली जात आहे.

What Poonam Mahajan Said?
भाजपाने तिकिट कापल्यानंतर पूनम महाजन यांची पहिली प्रतिक्रिया, म्हणाल्या, “मी…”
eknath shinde
नाशिकच्या जागेचा तिढा अखेर सुटला, श्रीकांत शिंदेंनी जाहीर केलेल्या उमेदवारावर महायुतीचं शिक्कामोर्तब!
Actress Rupali Ganguly joins BJP
पश्चिम बंगालमध्ये ‘खेला होबे’ होणार? या प्रसिद्ध अभिनेत्रीचा भाजपामध्ये प्रवेश
Congress MLA Raju Kage
“उद्या जर नरेंद्र मोदीचं निधन…” कर्नाटकमधील काँग्रेस आमदाराचे खळबळजनक विधान
uddhav thackeray viral video
शरद पवारांनी उद्धव ठाकरेंना बाहेर जायला सांगितलं, ठाकरेंनी हात जोडले अन्..; भाजपाने शेअर केला ‘तो’ VIDEO
prakash ambedkar in satara district for election campaign
सातारा जिल्ह्यातील एक बडे प्रस्थ राज्यपालपदासाठी भाजपच्या वाटेवर; डॉ. प्रकाश आंबेडकर यांचा गौप्यस्फोट
Ajit pawar on chandrakant patil statement about sharad pawar
‘शरद पवारांचा पराभव हवा’, चंद्रकांत पाटील यांच्या विधानावर अजित पवारांची टीका; म्हणाले, “त्यांनी बारामतीत..”
Raj and uddhav
राज आणि उद्धव ठाकरेंमध्ये फरक काय? नारायण राणेंनी भरसभेत सांगितला दोघांचाही स्वभाव; म्हणाले, “मी बऱ्याच वर्षांपासून…”

हेही वाचा – LS Election 2024: “लोकशाहीसाठी ‘जिंका वा मरा’ अशी निवडणूक”, मोदी सरकार विरोधात स्टॅलिन यांचे रणशिंग!

१९९१ च्या निवडणुकीचा अपवाद वगळता आठ वेळा या मतदारसंघातून भाजपाचे उमेदवार विजयी झाले होते. १९८९ मध्ये पुंडलिक हरि दानवे, १९९६ व १९९८ च्या निवडणुकीमध्ये उत्तमसिंग पवार, यांच्यानंतर हा मतदारसंघ रावसाहेब दानवे यांच्या पाठिशी उभा असल्याचा इतिहास आहे. या वेळीही रावसाहेब दानवे यांचे राजकीय विरोधक समजली जाणारी मंडळी ‘महायुती’मध्ये सहभागी आहेत.

हेही वाचा – कसे झाले वेणुगोपाल काँग्रेसमधील सत्ताकेंद्र? काँग्रेस नेत्यांच्या आऊटगोइंगला का ठरताहेत कारणीभूत?

मराठा आंदोलनाच्या पार्श्वभूमीवर भाजप विरोधातील रोष काँग्रेस उमेदवाराच्या पाठिशी उभा राहू शकतो असा कयास बांधून उमेदवाराची चाचपणी सुरू करण्यात आली. या मतदारसंघातून ‘ओबीसी’ उमेदवार द्यावा की मराठा उमेदवार द्यावा यावरुन काँग्रेसमध्ये संभ्रम असल्याचे सांगण्यात येत आहे. राजकीय पटावर अनेक हालचाली सुरू असल्या तरी जालना लोकसभा मतदारसंघात काँग्रेसमध्ये सारे काही शांत शांत असे चित्र दिसून येत आहे.दरम्यान उमेदवार व्हा, असा निरोप आला तर तयारी असावी म्हणून डॉ. कल्याण काळे यांनी भेटीगाठी सुरू केल्या आहेत.