मुंबई : महायुतीत सामील करून घेण्यासाठी परप्रांतियांविरोधातील तलवार म्यान करण्याची आणि खळ्ळ्य खट्ट्याक बंद करण्याची अट भाजपने मनसेपुढे ठेवली आहे. मराठी माणसाला त्याचे हक्क व सन्मान मिळवून देण्यासाठी परप्रांतीयांना विरोध, आंदोलने व मारहाणीचे प्रकार बंद करावे लागतील, अशी सूचना केंद्रीय गृहमंत्री अमित शाह यांनी मनसे अध्यक्ष राज ठाकरे यांना केली आहे, असे उच्चपदस्थ सूत्रांनी सांगितले.

मनसेचा समावेश महायुतीमध्ये करण्यासंदर्भात ठाकरे यांनी नवी दिल्लीला जाऊन शहा यांच्याशी चर्चा केली. उद्धव ठाकरे यांनी महाविकास आघाडी सरकार स्थापन केल्यापासून व त्याआधीही भाजप-मनसे युतीची चर्चा अनेकदा झाली होती. उपमुख्यमंत्री देवेंद्र फडणवीस, मंत्री चंद्रकांत पाटील, मुंबई भाजप अध्यक्ष आशिष शेलार आदी नेत्यांनी ठाकरे यांची भेट घेतली होती. हिंदुत्वाच्या भूमिकेवर भाजप व मनसेचे सूर जुळत असले तरी परप्रांतीयांना विरोधाची भूमिका भाजपला मान्य नाही.

Six police personnel hastily suspended for financial transactions in copper theft case
वर्धा : सहा पोलीस कर्मचारी तडकाफडकी निलंबित, जाणून घ्या काय आहे कारण…
Dharavi, rehabilitation,
धारावीकरांच्या पुनर्वसनाला कुर्ल्यातून विरोध, ‘डीआरपीपीए’ला जागा देण्याचा शासन निर्णय त्वरित रद्द करण्याची स्थानिकांची मागणी
Panipat murder wife and lover arrested
जिम ट्रेनरशी पत्नीचे सूत जुळले, दोघांनी मिळून पतीला संपवलं; अडीच वर्षांनी पोलिसांनी लावला गुन्ह्याचा छडा
bajaj housing finance files drhp for rs 7000 crore ipo
बजाज हाऊसिंग फायनान्सचा ‘सेबी’कडे ७,००० कोटींच्या ‘आयपीओ’साठी प्रस्ताव
hezbollah fires 200 rockets at Israel after senior commander killed
हेजबोलाचे इस्रायलवर रॉकेट हल्ले; युद्धविरामाचा प्रस्ताव बहुमताने मंजूर झाल्यानंतरही प्रादेशिक तणाव वाढण्याची भीती
attack on transgender who refused to pay instalments for street begging
नवी मुंबई : रस्त्यावर भिक्षा मागण्यासाठी हप्ता देण्यास नकार देणाऱ्या तृतीयपंथीयावर जीवघेणा हल्ला
Narendra Modi promises to work with everyone for a developed India
राज्यघटना आमचा दीपस्तंभ! विकसित भारतासाठी सर्वाबरोबर काम करण्याचे मोदींचे आश्वासन
CIDCO Establishes 24 Hour Emergency Control Room, CIDCO Establishes Emergency Control Room in Panvel, CIDCO Establishes 24 Hour Emergency for monsoon, navi Mumbai monsoon, navi Mumbai news,
पनवेल : आपत्तीवर मात करण्यासाठी सिडकोचे आपत्कालिन कक्ष सज्ज

हेही वाचा – मुख्यमंत्र्यांचे ‘धनुष्य’ गणेश नाईकांच्या खांद्यावर? ठाण्याच्या जागेसाठी मनोमिलन?

महाराष्ट्रात मराठी माणसाला त्याचे हक्क व सन्मान मिळायला हवेत. त्याच्यावर अन्याय होऊ नये, अशी भाजपचीही भूमिका आहे. पण ते करताना परप्रांतीयांविरोधात आंदोलन करून त्यांना धमक्या देणे, मारहाण करणे, हे प्रकार मनसेने करू नयेत, अशी अट भाजपने ठेवली आहे. मनसेशी युती करताना उत्तर प्रदेश, मध्यप्रदेश, बिहार आदी राज्यांमध्ये फटका बसू नये, याची काळजी भाजप घेणार आहे. मनसेचा आक्रमकपणा व परप्रांतियांना विरोधामुळे भाजपमधील उत्तर भारतीय व अन्य नेत्यांचा विरोध आहे.

हेही वाचा – जरांगे यांच्या रविवारी होणाऱ्या बैठकीबाबत उत्सुकता, ‘मराठा मतपेढी’ दिशा देणार

मनसेत एकमेव आमदार असून अन्य नेते शिवसेना व इतर पक्षात गेले. त्यानंतर मनसे आता संपली असून राज ठाकरे यांची दखल घेण्याचीही गरज नसल्याचे प्रतिपादन फडणवीस व अन्य नेत्यांनी गेल्या काही वर्षांत केले होते. पंतप्रधान नरेंद्र मोदी, अमित शाह यांनी देशाची वाट लावली आहे, उद्योगपतींचे केवळ भले होत आहे, असे आरोप राज ठाकरे यांनी केले होते. त्यामुळे आता मनसेची महायुतीत गरज काय, असा भाजप नेते व पदाधिकाऱ्यांचा आक्षेप असून त्यांची नाराजी आहे.

हेही वाचा – मिरजेतील उद्धव ठाकरे यांच्या मेळाव्यावर काँग्रेसचा बहिष्कार

ताकद नसलेल्या पक्षासाठी लोकसभा व विधानसभेसाठी जागा द्यायच्या, याला भाजपमधील अनेकांचा विरोध आहे. शिवसेनेने काँग्रेसबरोबर सरकार स्थापन केल्यावर हिंदुत्व आणि मराठी माणसासाठी लढाईची भूमिका सोडल्याची टीका राज ठाकरे यांनी सातत्याने केली आहे. मात्र आता भाजपबरोबर जायचे असेल, तर मनसेला परप्रांतियांविरोधातील आंदोलने व भूमिका बदलण्याशिवाय पर्याय नाही. पूर्वी भाजप नेते शिवसेनाप्रमुख बाळासाहेब ठाकरे व त्यानंतर उद्धव ठाकरे यांची भेट घेण्यासाठी ‘मातोश्री’ निवासस्थानी जात होते. पण आता राज ठाकरे यांना दिल्लीला जावे लागले व शहा यांच्या भेटीसाठी काही तास वाट पहावी लागली. त्यामुळे हा मनसेच्या अस्तित्वाचा प्रश्न असून भाजपच्या अटी मान्य करण्याशिवाय पर्याय नसल्याचे सूत्रांनी स्पष्ट केले.