पुणे शहरात दिवसभरात ३५१ करोना बाधित रुग्ण आढळले. तर आज अखेर १ लाख ७१ हजार ७६९ इतकी संख्या झाली आहे. तर याच दरम्यान चार रुग्णांचा मृत्यू झाला असून ४ हजार ४८६ मृतांची संख्या झाली. त्याच दरम्यान ४२३ जणांचे रिपोर्ट निगेटिव्ह आल्याने त्यांना घरी सोडण्यात आले आहे. तर आज अखेर १ लाख ६१ हजार ९७९ रुग्ण करोनामुक्त झाले आहेत. पिंपरी-चिंचवड शहरात आज दिवसभरात १७२ करोना बाधित रुग्णांची नोंद झाली असून ८२ जण करोनामुक्त झाले आहेत. तर आज दिवसभरात सहा जणांचा उपचारादरम्यान मृत्यू झाला आहे. पिंपरी-चिंचवड शहरातील एकूण बाधित रुग्णांची संख्या ९३ हजार २५५ वर पोहचली असून पैकी ८९ हजार ५९३ जण करोनातून ठणठणीत बरे झाले आहेत. पिंपरी-चिंचवड महानगर पालिकेच्या रुग्णालयात उपचार घेत असलेल्या सक्रिय रुग्णांची संख्या ८९९ एवढी आहे अशी माहिती महानगर पालिकेच्या आरोग्य विभागाने दिली आहे.
