कारला आग लागल्याने महिलेचा मृत्यू झाल्याची घटना समोर आली आहे. कारला आग लागली तेव्हा महिला कारमध्येच होती. ही घटना रात्री उशिरा हिंजवडी परिसरात घडली आहे. संगीता मनीष हिवाळे (४४) असं मयत महिलेचे नाव आहे. महिलेसह तिचा मुलगा सायमन मनीष हिवाळे (१५) आणि गाडीचालक जॉन डॅनियल बोर्डे (४०) देखील कारमध्येच होते. आग लागलेल्या गाडीचा नंबर एम.एच-१४ ए.एम-३७०९ असून आग नेमकी कशामुळे लागली हे स्पष्ट होऊ शकलेलं नाही. अधिक तपास हिंजवडी पोलीस करत आहेत.
