पुण्यातील कोथरुड विधानसभा मतदार संघाचे आमदार आणि महाराष्ट्र भाजपाचे प्रदेशाध्यक्ष चंद्रकांतदादा पाटील यांनी पिंपरी-चिंचवडमध्ये एका कार्यक्रमात बोलत असताना पुणेकरांना १ ते ४ झोपण्याच्या सवयीवरुन चिमटा काढला. पंतप्रधान मोदी २२ तास काम करतात, पण पुण्यामध्ये काही भागांत १ ते ४ झोपण्याची वेळ असते, तिकडे ती लोकं काम करत नाहीत असं म्हणत चंद्रकांत पाटलांनी पुणेकरांना उपदेशाचा डोस पाजला. चंद्रकांत पाटलांनी दिलेल्या या सल्ल्यावर सामन्य पुणेकरांचं नेमकं काय मत आहे हे आम्ही जाणून घेण्याचा प्रयत्न केला. पाहूयात काय म्हणतायत पुणेकर.
