पिंपरी: शरीरसंबंधास नकार देणाऱ्या मैत्रिणीला धमकावत तिच्याकडून २५ हजार रुपये उकळणाऱ्या तरुणाविरोधात सांगवी पोलीस ठाण्यात गुन्हा दाखल करण्यात आला आहे. १७ वर्षांची पीडित मुलगी आणि अभिषेक नारायण शितोळे (वय १९) या दोघांची एकाच क्लासमध्ये शिकत असताना ओळख झाली होती. अभिषेकने पीडित मुलीकडे शरीरसुखाची मागणी केली. मात्र तिने नकार दिला. यानंतर अभिषेकने तिचा छळ सुरु केला. पीडित तरुणीने अभिषेकशी मैत्री तोडली आणि बोलणेही बंद केले. मग अभिषेक तिचा पाठलाग करु लागला. त्याने पीडित मुलीला धमकी दिली आणि तिच्याकडून तब्बल २५ हजार रुपये उकळले. इतकंच नव्हे तर मंगळवारी अभिषेक व त्याच्या आई, चुलत भाऊ, चुलत बहिणीने पीडित मुलीला मारहाण केली. अखेरीस पीडित तरुणीने पोलीस ठाण्यात अभिषेकविरोधात तक्रार दाखल केली.
