14 August 2020

News Flash

पोलिसांचा धाक नसल्याने राज्यात क्रूर घटना घडत आहेत; दरेकरांचा गृहखात्यावर निशाणा

कायद्यापुढे कोणीही मोठं नाही असा संदेश पोलिसांच्या कारवाईतून जावा

संग्रहीत छायाचित्र

पिंपरी-चिंचवड पोलीस आयुक्तालयाच्या हद्दीत एका सतरा वर्षीय तरुणीचा डोक्यात दगड घालून खून केल्याची घटना नुकतीच चाकण परिसरात घडली. तिचा मृतदेह हा विवस्त्र आढळल्याने सर्व स्तरातून संताप व्यक्त केला जात आहे. विधानपरिषदेचे विरोधीपक्ष नेते प्रवीण दरेकर यांनी या घटनेबाबत अपर पोलीस आयुक्त रामनाथ पोकळे यांची भेट घेऊन आरोपींवर कठोर कारवाईची मागणी केली.

दरेकर म्हणाले, “चाकण परिसरातील १७ वर्षीय तरुणीचा खून ही माणुसकीला काळीमा फासणारी घटना आहे. महाराष्ट्र हे कायद्याचे राज्य आहे. सामान्य नागरिकांना निर्भीडपणे जगता आलं पाहिजे. म्हणून, आज अपर पोलीस आयुक्तांची भेट घेतली यातून पीडित तरुणीला न्याय मिळावा अशी आमची भूमिका आहे.”

राज्यात कायद्याचा धाक कमी झालेला दिसत आहे. गुन्हेगारांना पोलिसांची भीती राहिलेली नाही, त्यामुळे अशा क्रूर घटना घडत आहेत. तरुणीसोबत अघटित असं काही घडलेलं नाही, असं डॉक्टरांनी सांगितलं आहे. तरुणीच्या अंगावर व्रण आहेत त्यामुळे पोलीस चांगल्या पद्धतींने तपास करतील. आज चाकण परिरात जाऊन पीडित कुटुंबाची भेट घेतली आहे. आरोपींवर कठोर कारवाई करण्यात यावी अशी मागणी नातेवाइकांनी केली. कायद्यापुढे कोणी मोठं नाही असा संदेश पोलिसांच्या कारवाईतून जावा अशी अपेक्षा देखील दरेकर यांनी यावेळी व्यक्त केली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 26, 2020 4:18 pm

Web Title: such brutal incidents occur because of less fear of the police darekar targets home department in chakan murder case aau 85 kjp 91
Next Stories
1 पिंपरी-चिंचवड पोलीस दलातील १२० जणांची करोनावर मात
2 …म्हणून ‘त्या’ आजीला मदत करणाऱ्यांवर दिग्दर्शक केदार शिंदे संतापले; म्हणाले,”लाज वाटायला हवी”
3 शहरात पुन्हा टाळेबंदी नको!
Just Now!
X