पिंपरी-चिंचवड शहरातून जाणाऱ्या जुन्या पुणे-मुंबई महामार्गावर एलपीजी गॅस घेऊन जाणारा टँकर पलटी

पिंपरी-चिंचवड शहरातून जाणाऱ्या जुन्या पुणे-मुंबई महामार्गावर (निगडी) भक्ती-शक्ती उड्डाणपूल उतरताच एलपीजी गॅसच्या टँकरवरील चालकाचे नियंत्रण सुटल्याने अपघात झाला. टँकर पलटी झाला आहे. ही घटना आज सकाळी घडली असून यामुळे वाहतुकीवर परिणाम झाला. घटनेचे गांभीर्य ओळखून तात्काळ वाहतूक दुसऱ्या मार्गाने वळवण्यात आली आहे.

हेही वाचा – कुमार गंधर्व जन्मशताब्दीनिमित्त ‘लोकसत्ता’चा विशेषांक; पुण्यात खास कार्यक्रम, प्रवेशिका आजपासून

टँकरमध्ये एलपीजी गॅस असल्याने खबरदारीचा उपाय म्हणून गॅस ट्रान्सफर करण्याचं ठरवलं आहे. मोठा पोलीस बंदोबस्त आणि अग्निशमन दलाचे जवान घटनास्थळी दाखल झालेले आहेत. काही दिवसांपूर्वी पुणे-मुंबई द्रुतगती मार्गावर केमिकलचा टँकर पलटी होऊन लागलेल्या आगीत पाचजणांचा जळून मृत्यू झाला होता. त्याच पार्श्वभूमीवर पिंपरी-चिंचवडमध्ये अशी दुर्घटना होऊ नये म्हणून खबरदारी घेण्यात येत आहे.