पुणे शहरात आज दिवसभरात २८८ नवे करोनाबाधित आढळले असून, १७ रुग्णांचा मृत्यू झाला आहे. याचबरोबर करोनाबाधितांची एकूण संख्या आता १ लाख ६० हजार ३७४ वर पोहचली आहे. आतापर्यंत ४ हजार १८० रुग्णांचा करोनामुळे मृत्यू झाला आहे. करोनावर उपचार घेणार्‍या ४४१ रुग्णांची तब्येत ठीक असल्याने, त्यांना डिस्चार्ज देण्यात आला आहे. त्यामुळे आतापर्यंत १ लाख ५० हजार ३६० रुग्ण करोनामुक्त झाले असल्याची माहिती पुणे महापालिकेच्या आरोग्य विभागा मार्फत देण्यात आली आहे. पिंपरी-चिंचवड शहरात आज दिवसभरात २१६ नवे करोनाबाधित रुग्ण आढळले असून, चार जणांचा उपचारादरम्यान मृत्यू झाला आहे. तर, ४३६ जण करोनामुक्त झाले आहेत. पिंपरी-चिंचवड शहरातील करोनाबाधितांची एकूण संख्या ८७ हजार २६० असून, यापैकी ८३ हजार ८१० जण करोनातून बरे झाले आहेत. पिंपरी-चिंचवड महानगर पालिकेच्या रुग्णालयात उपचार घेत असलेल्या अॅक्टिव्ह रुग्णांची संख्या ८८८ एवढी आहे, अशी माहिती महानगर पालिकेच्या आरोग्य विभागाने दिली आहे.
