चीनमधून आलेले दीड वर्षांचे बालक नायडू रुग्णालयात

राज्यात एकूण ३९ जणांना विविध लक्षणे आढळल्याने रुग्णालयात दाखल करण्यात आले

प्रतिनिधिक छायाचित्र

पुणे : चीनच्या बीजिंग शहरातून पुण्यात आलेल्या एका दीड वर्षीय बालकाला ताप, सर्दी, खोकल्याची लक्षणे आढळल्याने नायडू रुग्णालयात मंगळवारी दाखल करण्यात आले. हे बालक आणि त्याचे कुटुंबीय २५ जानेवारीला चीनमधून पुण्यात आले आहेत. मूळचे पुण्याचे असलेले हे कुटुंब गेल्या काही वर्षांपासून चीनमध्ये स्थायिक आहे.

सोमवार (१० फेब्रुवारी) पर्यंत मुंबई आंतरराष्ट्रीय विमानतळावर २५,७८२ प्रवासी तपासण्यात आले आहेत. बाधित भागातून आलेल्या प्रवाशांचा शोध क्षेत्रीय सर्वेक्षणातून देखील घेण्यात येत आहे. राज्यात चीनमधील करोनाबाधित प्रदेशातून १६७ प्रवासी आले आहेत. त्यांमध्ये सोमवारी संध्याकाळी मुंबईतील कस्तुरबा रुग्णालयात भरती करण्यात आलेल्या एका प्रवाशाचा देखील समावेश आहे.

राज्यात एकूण ३९ जणांना विविध लक्षणे आढळल्याने रुग्णालयात दाखल करण्यात आले. त्यांपैकी ३७ रुग्णांच्या वैद्यकीय तपासणीत करोना संसर्ग न आढळल्याने त्यांना घरी सोडण्यात आले आहे. सध्या रुग्णालयात दाखल असलेल्या तीन रुग्णांपैकी २ जण नायडू रुग्णालयात तर एक जण कस्तुरबा रुग्णालयात आहेत. नायडू रुग्णालयात दाखल असलेल्या बालकाचे वैद्यकीय नमुने राष्ट्रीय विषाणू विज्ञान संस्थेत पाठवण्यात आले असून त्याचा अहवाल बुधवार (१२ फेब्रुवारी) पर्यंत प्राप्त होणे अपेक्षित आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व पुणे बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: One and half year old boy from china hospitalized naidu hospital pune zws

Next Story
मेट्रोचे स्टेशन कोथरूडच्या कचरा डेपोच्या जागीच होणार
ताज्या बातम्या