सिंहगड रस्त्यावरील विठ्ठलवाडी परिसरात एका फर्निचर दुकानात मध्यरात्री आग लागली. अग्निशमन दलाच्या जवानांनी पाऊण तासात आग आटोक्यात आणली. विठ्ठलवाडी परिसरात फर्निचर दुकान गेल्या काही दिवसांपासून बंद आहे. मध्यरात्री एकच्या सुमारास फर्निचर दुकानातून मोठ्या प्रमाणावर धूर येत होता. हेही वाचा >>> अवकाळीने दाणादाण; रब्बी पिकांसह द्राक्ष, डाळिंब, केळी, पपई पिकांचे नुकसान नागरिकांनी या घटनेची माहिती त्वरीत अग्निशमन दलाला दिली. या घटनेची माहिती मिळताच सिंहगड रस्ता अग्निशमन केंद्राचा बंब घटनास्थळी दाखल झाला. फर्निचर दुकान बंद असल्याने जवानांनी दरवाज्याचे कुलुप तोडले. फर्निचर पेटल्याने आग भडकली. जवानांनी पाण्याचा मारा करुन पाऊण तास आग आटोक्यात आणली.
