पुणे जिल्ह्यातील मुळशी येथील तहसीलदारास एक कोटीची लाच घेताना लाचलुचपत प्रतिबंधक विभागाच्या अधिकाऱ्यांनी उरवडे गावच्या हद्दीत लवासा रोडवर रंगेहाथ पकडले. सचिन महादेव डोंगर (वय 43, रा.बावधन) असे लाच स्वीकारणाऱ्या तहसीलदाराचे नाव आहे. मिळालेल्या माहितीनुसार, तक्रारदार यांचे वारस नोंदीचे प्रकरण मंत्रालयातून फेरचौकशीसाठी तहसीलदार सचीन डोंगरे यांच्याकडे आले होते. या प्रकरणाचे निकालपत्र देण्यासाठी आणि त्याची सातबारा च्या उताऱ्यावर नोंद घेण्यासाठी सचीन डोंगरे यांनी तक्रारदार यांना एक कोटींची लाच मागितली होती. याची तक्रारदाराने लाचलुचपत प्रतिबंधक विभागाकडे तक्रार केली असता. सापळा रचून लवासा रोड येथे तहसीलदार सचिन डोंगरे याला तक्रारदार एक कोटींची लाच देताना रंगेहाथ पकडले आहे.
